Երբ 2022-ի նոյեմբերին OpenAI-ը ներկայացրեց իր ChatGPT չաթբոտը, ուժեղ խաղացողներ դաշտում դեռ չկային։ Դրանից հետո տեխնոլոգիական հսկաները մեկը մյուսի հետևից սկսեցին իրենց մոդելները ներկայացնել։

Հիմա այլընտրանքները շատ են, մրցավազքն էլ կարծես թեժանում է։ Միայն նախորդ շաբաթ OpenAI-ը, Google-ը, ֆրանսիական Mistral ստարտափը 12 ժամվա ընթացքում թողարկեցին իրենց առաջատար լեզվական մոդելները:

Իր սեփական չաթբոտն ունի նաև Meta ընկերությունը, որը նախատեսում է արհեստական բանականությունն ընդգրկել իր բոլոր ծառայություններում։ Ընդամենը մի քանի օր առաջ հայտնի դարձավ, որ Meta-ն իր չաթբոտը փորձարկում է WhatsApp-ում։

Հաղորդաշարի նոր էպիզոդում խոսել ենք չաթբոտերի նոր հնարավորությունների ու առաջատար տեխնոլոգիական ընկերությունների մրցավազքի մասին։