«Հատում ենք միայն չոր ծառերը»
[ 2009/12/02 | 19:47 ]
Այսօր Երեւանի Բուսաբանական այգում ականատես եղանք զանգվածային ծառահատության: Երեք երիտասարդներ էլեկտրական սղոցով կտրում էին հաստաբուն բարդիներ: Երբ մենք մոտեցանք, տղաներն արդեն հասցրել էին 4 բարդի կտրել: Անմիջապես զանգահարեցինք այգու եւ բուսաբանության ինստիտուտի տնօրեն Ժիրայր Վարդանյանին, ով ասաց, թե տղաներն իրենց կարգադրությամբ են ծառահատում իրականացնում:
«Այդ բարդիները տարիներ շարունակ չորացած էին, մենք միջոցներ, տեխնիկա չունեինք, որպեսզի շուտ հատեինք: Մահացած ծառեր են, վաղուց պետք է հատեինք»,- ասում է Ժիրայր Վարդանյանը: Տնօրենի խոսքով` թվով 24 հաստաբուն բարդիներ հատման ենթակա են:
Բուսաբանության ինստիտուտի գլխավոր գյուղատնտես Յուրա Փայտյանը եւս «Հետքի» հետ զրույցում հաստատեց, թե բարդիները չորացած են: «Եթե ծառը մաշկազերծված է, այն արդեն մահացած է»,- ասում է գյուղատնտեսը:
«Բուսաբանական այգին քարացած վիճակում չէ, մենք հաճախ մշակումներ ենք անում, որպեսզի գեղեցիկ տեսքի բերենք: Եթե ծառը նույնիսկ մի քանի տարի գոյատեւելու հնարավորություն ունի, մենք էտում ենք, չենք հատում: Բուսաբանական այգու տնօրինությունը երբեք թաց, առողջ ծառ չի հատի, միայն չոր, մահացած ծառերն ենք հատում»,- վստահեցնում է Բուսաբանության ինստիտուտի տնօրենը:
Ի դեպ, հատված ծառերի մի մասը այգու տնօրինությունը տալու է ծառը կտրող բանվորներին, իսկ մնացածը, հարկ եղած դեպքում, կօգտագործվի բուսաբանության ինստիտուտի մասնաշենքերում` որպես վառելանյութ:
Դեկտեմբեր 2nd, 2009 at 22:29
Դրանք բուսաբանակն այգու կեսն էլ տվել էին գլենդելհիլզին, որտեղ էլ ԵՊՀամալսարանի խորհրդի նախագահ Սէրժը իբր դասախոսների համար շենքեր էր սարքելու: Հետո “ճգնաժամն” էկավ, չիմացանք սարքեցին, չսարքեցին…
Դրանց համար ի?նչ բնություն, ի?նչ բան, սաղ երկիրն են ծախել, կամ էլ կրվել են….
Դեկտեմբեր 3rd, 2009 at 00:04
hin gexecik tradicia gojutjun uner ashxarum. tsar ktrokhin mahapatji ein entarkum, Hajastanum petq e anmidjapes kirarel
Դեկտեմբեր 3rd, 2009 at 09:34
Ծառ կտրողի քոքը կտրվի!!!!!!!!!!!
Դեկտեմբեր 3rd, 2009 at 11:05
yes chem havatum, vor sranq chor tsarer en lav mi hat masnaget chka?!!
gna tesni!!!!!!!!!!!!!!!!!!!!!!!!!
xndrum em ardzaganqeq
Դեկտեմբեր 9th, 2009 at 04:29
Verevi nkari bni oghaknerits erevum e vor kendani tsar er.