HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սոնա Ավագյան

Ի՞նչ է եղել չտեսնող քաղաքացուն ոստիկանության Էրեբունու անձնագրային բաժանմունքում

Քաղաքացին պնդում է, որ անձնագրային բաժանմունքի պետը վիրավորել է իրեն

Երևանի բնակիչ Ալինա Հարությունյանը մնացել է առանց անձնագրի: Նրա անձնագրի վավերականության ժամկետը լրացել է, նա Էրեբունու անձնագրային բաժանմունքին դիմել է նոր անձնագիր ստանալու համար՝ հանձնելով ժամկետը լրացած անձնագիրը: Հունիսի 6-ին Ալինան մոր հետ գնացել է բաժանմունք՝ նոր անձնագիրը վերցնելու, սակայն ծագած միջադեպի հետևանքով չի կարողացել վերցնել:

Ալինա Հարությունյանը 15-16 տարեկանում կորցրել է տեսողությունը: Իմանալով, որ տեսողական խնդիրներ ունեցող շատ մարդիկ անձնագրերում և մնացած այլ փաստաթղթերում, ստորագրելու փոխարեն, դնում են իրենց անհատական, ստորագրության ձև ունեցող կնիքը՝ Ալինան ևս մոտ 1 ամիս առաջ պատվիրել է այդպիսի կնիք:

Հունիսի 6-ին անձնագրային բաժանմունքում, երբ մինչև անձնագիրը ստանալը աշխատակցուհին տվել է ձևաթուղթը, որ ստորագրի, Ալինան ցանկացել է օգտագործել կնիքը: Աշխատակցուհին մեղմ տոնով ասել է, որ չի կարելի կնիք օգտագործել, պետք է ձեռքով ստորագրել: Ալինան սկսել է բացատրել է, որ կնիք օգտագործել կարելի է: Այդ ժամանակ, Ալինայի խոսքերով, խոսակցությանը գոռալով միջամտել է Էրեբունու անձնագրային բաժանմունքի պետ Նաիրա Բարսեղյանը, ով գտնվում էր կողքի սենյակում:

Պետն ասել է, որ կնիք օգտագործել հնարավոր չէ: Ալինան պետին ասել է, որ կնիք է ձեռք բերել, որպեսզի ստիպված չլինի ամեն անգամ ստորագրելու անհրաժեշտության դեպքում դիմացինին բացատրել, որ ինքը սահմանափակ կարողություններով մարդ է:

««Բա, չէ, էդպիսի բան հնարավոր չի»: Նորից սկսեց գոռգռալ: «Պետք է քո ձեռքը բռնեմ, որ դու մի հատ պտիչկա անես»: Իր բառերն են դրանք: Ինքը իրենն էր ասում ու գոռում էր»,- պատմում է Ալինան: Նրան հատկապես վիրավորել է նաև պետի «որտեղ ուզում ես, գնա էդ քո կնիքով պեչատի» արտահայտությունը:

Նրա խոսքերով՝ Նաիրա Բարսեղյանը որևէ օրենքից մեջբերում չի արել, իր պահանջները որևէ օրենքով չի հիմնավորել, չի բացատրել քաղաքացու իրավունքներն ու պարտականությունները: Ալինան և մայրը՝ Ջավահիր Հարությունյանն, ասում են, որ եթե պետը պարզապես բացատրեր, որ, ենթադրենք, «արգելված է անձնագրում կնիք դնել», «մայրը թող Ալինայի ձեռքը բռնի, որ աղջիկը ստորագրի», իրենք կհասկանային, բայց պետն ուղղակի գոռում էր:

«Քաղաքակիրթ չէր ինքը: «Պտիչկան» ի՞նչ արտահայտություն է, ինքը նույնիսկ «ստորագրել» բառը չի ասել. «Մեկը քո ձեռքը պիտի բռնի, պտիչկա անեն»: Ուղղակի հարցը էն է, որ ես ուզում եմ` ինքը հասկանա` ինքը բոլորին հավասար մարդ է: Նույնիսկ ես եթե սխալ էլ լինեի, ինքը պարտավոր էր ինձ սիրուն բացատրել, քանի որ ես ոչ իր վրա գոռացել եմ, ոչ ինչ-որ ինձ սխալ եմ պահել, որ ինքը պոռթկաց»,- ասում է Ալինան:

Նրա մայրը ևս հավաստիացնում է, որ միջադեպի ժամանակ իրենք չեն բղավել և որևէ ագրեսիա չեն դրսևորել: Ալինան ենթադրում է, որ ցանկացած պետի սենյակում կան տեսախցիկներ, և կարելի է դիտել կատարվածի տեսագրությունը:

Սենյակից դուրս գալուց առաջ Ալինան և մայրը Նաիրա Բարսեղյանին ասել են, որ այդ դեպքում չեն ուզում վերցնել անձնագիրը: Պետն ասել է՝ չես ուզում, մի ուզի: Ալինան նաև ասել է՝ ամեն մեկս իրավունք ունենք մեր իրավունքները պաշտպանել: Ալինայի խոսքերով՝ պետն իրենց հետևից գոռացել է. «Գնա, որտեղ ուզում ես, քո իրավունքները պաշտպանի»:

«Եկա տուն, ասեցի` հնարավոր է, կին է, հարյուր հազար հատ մարդ է մտնում-դուրս գալիս: Կարող է ջղայնացած է եղել, էդ պահին ես եմ իրեն հանդիպել: Կարող է և ես էլ լինեի պետ` էդ կարգավիճակում ինձ ավելի վատ պահեի: Բայց մի շաբաթ անցավ, ինքը հետադարձ զանգ չարեց, ես մտածեցի` ուրեմն ինքը կարծում է` ինքը շատ ճիշտ է: Ես շատ վիրավորված եմ էդ կնոջ մոտեցումից, որ ինքը հենց իմ անձը վիրավորեց` մարդու խնդիրը նույնիսկ ցավացնելով ավելի: Մարդ ինչ ունի, հերիք է էդքանը»,- ասում է Ալինան:

«Ուր գնացել ենք, խոչընդոտների առաջ չենք կանգնել: Էդպես վիրավորանք առաջին անգամ իմ երեխու հետ ստացա ու մերժվեցի: Հա, ինչ անենք, որ էդ պոստին եք, մենք ցածր խավ ենք. կարելի՞ է էդպես ասել»,- ասում է Ալինային մայրը և հավելում, որ նույն մարդն ենք:

Ոստիկանության լրատվական վարչությունը անձնագրային բաժանմունքի պետին թույլ չի տալիս իրացնել ԶԼՄ-ում պատասխանի իրավունքը

Կատարվածի վերաբերյալ Նաիրա Բարսեղյանի տեսակետն իմանալու և նրա պատասխանը հոդվածում ներառելու համար այսօր այցելեցինք Էրեբունու անձնագրային բաժանմունք:

Նաիրա Բարսեղյանն անմիջապես համաձայնեց պատասխանել մեր հարցերին, եթե ոստիկանության լրատվական վարչությունը թույլ տա: Թույլտվություն ստանալու համար զանգահարեցինք ոստիկանության լրատվական վարչության աշխատակից Արմեն Մալխասյանին: Նա որևէ կերպ չհամաձայնեց, որ բաժանմունքի պետը պատասխանի մեր հարցերին, ասաց, որ հարցերը պետք է գրավոր ուղարկել ոստիկանություն, որտեղից էլ կպատասխանեն:

Չնայած մեր մի շարք դիտարկումներին, որ տպագրվելիք հոդվածն առնչվում է անմիջականորեն բաժանմունքի պետին, վերջինս համաձայն է պատասխանել մեր հարցերին, Արմեն Մալխասյանը պնդեց, որ հարցերը պետք է ուղարկել ոստիկանություն: Նա նշեց, որ եթե բաժանմունքի պետը պատասխանի լրագրողի հարցերին, ապա պետի աշխատասենյակի առջև հերթեր կառաջանան: Պետի հետ ընդմիջման ժամանակ խոսելու մեր առաջարկը ևս մերժեց՝ ասելով, որ ընդմիջումը ընդմիջում է: Մինչդեռ Նաիրա Բարսեղյանի համար ընդունելի էր նաև ընդմիջման ժամանակ իր տեսակետը հայտնելու տարբերակը:

Միակ բանը, որ ասաց Նաիրա Բարսեղյանն, այն էր, որ ընդհակառակը՝  Ալինա Հարությունյանը և իր մայրն են գոռացել բաժանմունքում, իրենց ագրեսիվ պահել, շպրտել փաստաթուղթը և ասել, որ իրենց անձնագիր պետք չէ: Իսկ բաժանմունքի մյուս աշխատակիցներն ասացին, որ իրենց պետը շատ մարդկային է, չի գոռացել, ընդառաջում է քաղաքացիներին, առավել ևս սահմանափակ կարողություններով մարդկանց:

Իրավաբանը պնդում է, որ Երևանի անձնագրային բաժանմունքներում վաղուց կիրառվում է կնքելու միջոցով ստորագրելու տարբերակը

Իրավաբան Մհեր Վասիլյանը 15 հասարակական կազմակերպություն ներառող Հաշմանդամների շահերի պաշտպանության ազգային դաշինքի գործադիր տնօրենն է: Մհերն ինքն էլ ունի տեսողության խնդիր, և իր նախկին անձնագրում կողք կողքի կային և կնիքը, և իր ձեռքով ստորագրությունը: Նա բազմիցս տարբեր փաստաթղթեր է կնքել իր կնիքով, և ոչ ոք որևէ խոչընդոտ չի առաջացրել:

Մեկ ամիս առաջ Մաշտոցի անձնագրային բաժանմունքից նոր անձնագիր ստանալիս Մհեր Վասիլյանը նախընտրել է կնքելու փոխարեն ձեռքով ստորագրել, թեև բաժանմունքի աշխատակիցներն իրեն առաջարկել են երկու տարբերակն էլ:

Իրավաբանը ճանաչում է մարդկանց, ովքեր իրենց անձնագրերում կնիք են դրել: Նա անձամբ զրուցել է Երևանի որոշ անձնագրային բաժանմունքների պետերի և աշխատակիցների հետ, ովքեր ասել են, որ իրենք չտեսնող մարդկանց դեպքում ևս կիրառում են կնիքը: Իրավաբանի խոսքերով՝ ձեռքով ստորագրելու փոխարեն կնիք դնելու պրակտիկան Հայաստանում կիրառվում է մոտ 15 տարի ցանկացած գործարք կատարելիս, ցանկացած փաստաթուղթ կնքելիս/ստորագրելիս:

Մհեր Վասիլյանը կարծում է, որ Ալինա Հարությունյանի դեպքում խախտվել են ՄԱԿ-ի կոնվենցիան՝ հաշմանդամություն ունեցող անձանց իրավունքների մասին, նաև փաստաթուղթ ստանալու մարդու սահմանադրական իրավունքը:

Հաշմանդամություն ունեցող անձանց իրավունքների մասին ՄԱԿ-ի կոնվենցիան Հայաստանում ուժի մեջ է մտել 2010թ. հոկտեմբերին: Կոնվենցիայի 18-րդ հոդվածի («Տեղաշարժվելու ազատությունը և քաղաքացիությունը») 1-ին մասի «բ» կետը սահմանում է հետևյալը. մասնակից պետությունները ապահովում են, որ հաշմանդամություն ունեցող անձինք «հաշմանդամության պատճառով չզրկվեն իրենց քաղաքացիությունը կամ անձը հաստատող փաստաթղթեր ստանալու, տնօրինելու և օգտագործելու, ինչպես նաև համապատասխան գործընթացներից օգտվելու հնարավորությունից, ինչպես, օրինակ, ներգաղթի ընթացակարգերն են, որոնք կարող են անհրաժեշտ լինել ազատ տեղաշարժի իրավունքը իրականացնելիս»:

Մհեր Վասիլյանը հավելում է, որ ներպետական օրենսդրությունը ևս չի արգելում փաստաթուղթը ստորագրելու փոխարեն կնքելը: Եվ տվյալ դեպքում պետք է գործի «այն, ինչ օրենքով արգելված չէ, կիրառելի ու թույլատրելի է» սկզբունքը: Այս սկզբունքը սահմանված է նաև Քաղաքացիական օրենսգրքում:

Իրավաբանը հռետորական հարց է տալիս, որ եթե տվյալ քաղաքացին, ենթադրենք, ձեռք չունի, նրանից նորից պահանջելո՞ւ էին փաստաթուղթը ստորագրել:

Մհեր Վասիլյանը համարում է, որ տվյալ դեպքում ամենաճիշտ և օպտիմալ քայլը Մարդու իրավունքների պաշտպանի գրասենյակ դիմելն է, քանի որ կատարվածն ուղղակիորեն վերաբերվում ՄԻՊ գրասենյակի գործառույթներին:

Մարդու իրավունքների պաշտպանի աշխատակազմի իրավաբան, հաշմանդամություն ունեցող մարդկանց իրավապաշտպան Սերգեյ Հարությունյանը ևս կարծում է, որ տվյալ դեպքում մարդու իրավունքը խախտվել է: Նա ներքին համոզում ունի, այս հարցը կարելի է լուծել մեկ հեռախոսազանգի միջոցով, իսկ եթե ոչ, ապա արդեն ՄԻՊ գրասենյակը գրավոր դիմումներ կուղարկի ոստիկանություն և անձամբ ոստիկանապետին:

Ալինա Հարությունյանի կնիքը և կնիքով արված ստորագրությունը

Սակայն Սերգեյ Հարությունյանը կնիքների կիրառման մեջ վտանգ է տեսնում հենց առաջին պահից: Ձեռքով արված ստորագրության դեպքում քաղաքացին կարող է ասել, որ տվյալ փաստաթուղթն ինքը չի ստորագրել, և ձեռագրաբանական փորձաքննությունը կպարզի` տվյալ ստորագրությունը քաղաքացո՞ւն է պատկանում, թե՞ ոչ: Իսկ եթե կնիքն ընկնի ուրիշի ձեռքը, և այդ ուրիշը կնիքով գործարք (ընտրական, բանկային, նոտարական) կատարի, ապա քաղաքացին չի կարողանա ապացուցել, որ տվյալ փաստաթուղթն ինքը չի կնքել: Ամեն դեպքում, եթե մարդը ձեռքեր ունի և ֆիզիկապես ի վիճակի է ստորագրել, Սերգեյ Հարությունյանը նախընտրելի է համարում, որ նա ստորագրի:

Մհեր Վասիլյանն էլ հավելում է, որ հաջորդ անձնագրում եղած ստորագրությունը պետք է համապատասխանի նախորդ անձնագրում եղածին, ստորագրության պատկերը պետք է նույնը լինի:

Մինչդեռ Ալինա Հարությունյանը «Հետքին» հայտնեց, որ նախորդ անձնագիրը ստանալիս ինքը ներկա չի եղել և բացարձակապես տեղյակ չէ, թե ով է ստորագրել դրանում, քանի որ այդ ժամանակը համընկավ իր` տեսողությունը կորցնելու հետ, և ինքն այնպիսի հոգեվիճակում էր, որ չի հետաքրքրվել անձնագրով: Միաժամանակ պետք է նշել, որ Ալինայի խոսքերով՝ անձնագրային բաժանմունքի պետը իրեն չի էլ հարցրել, թե նախկին անձնագրում ինչ ստորագրություն է եղել, այլ պարզապես միանգամից գոռացել է քաղաքացու վրա և արգելել կնիք օգտագործել:

Ալինին դեռ ոչ մի տեղ չի օգտագործել կնիքը: Նրա փոխարեն ստորագրում են տարբեր մարդիկ, ովքեր տվյալ վայրում ուղեկցում են նրան՝ մայրը, ընկերները:

Հ.Գ. Ալինա Հարությունյանը մասնագիտությամբ մերսող է, տիրապետում է և դասական, և բժշկական մերսումների: Վերջերս հաշմանդամների «Ֆորտե» գիտամշակութային ՀԿ-ում նա սովորել է համակարգչային ծրագրեր, որոնց այժմ լավ տիրապետում է: Ալինան ասմունքի տարբեր միջոցառումների ներկայացրել է իր գրած բանաստեղծությունները, տարբեր մրցույթներում դարձել դափնեկիր: Նա առաջիկայում պատրաստվում է ամուսնանալ իր ընկերոջ հետ, ով առողջական ոչ մի խնդիր չունի: «Եթե մի բան մարդ չի ունենում, հաստատ չպետք է մտածի, թե կյանքը ավարտվել է: Եթե մարդ լավատես լինի, կյանքում ամեն ինչ կունենա»,- ասում է Ալինան:

Մեկնաբանություններ (9)

Sona
Bari Mard erbeq chi kareli anicel,qani vor anecq@ kpnum e henc asoxinnnSa chi nshanakum vor es dem chem andznagrayin peti cucaberac verabermunqin...es dem em aydpisi mardkanc nranq iravunq chunen asxatelu aydpisi vayrerum..ev iharke kap chuni te tvyal ashxatox@ barkacac klini te voch na partavor e sirov @ndunel ev patasxanel hachaxordin huzox bolor harcerin,,,,,,,,,,,
Char mard
lsi MARDANMAN bari mard ba du um tulan es hen? te ov um inchna et arden qez bacardzak chi verabervum.......
Bari Mard
Ayt vostikanutyan anznagrain bajanminqi petin kcankanayi astco tvac anecqe, vor zuyg achkeric kuranar, avelin vor ach zerke amboxchutyamb isk zax zerke kisov chap ktrver. Xndrum em ays gorci avartin texyak mardkanc, texekacreq inz te inch patji arjanacrecin ayd anmardkayin pet kochvacin ?
aaaa
BARI mard qo anecqe qez kkpni
ARMEN
BARI MARD DZER ANUN@ EV DZER BAREMAXTANQNER@ IRAR SHAT EN HAKASUM . AVELI LAV KLINER VOR DUQ KOCHVEIQ SATANAYI MARD......EV ES SRTANC KCANKANAYI VOR DZER AYSPES KOCHVAC ORHNANQ@ HXVI DZEZ EV DZER ZAVAKNERIN ,EV HAMOZVAC EM VOR AYDPES KLINI,
violet
Aprek Bari Mard . Mianum em dzer bolor asacnerin. Anpatij chi mna yes hamozvac em.
Bari Mard
ARMEN chem kaskacum vor du nuynpes et anvoxnashar vostikani tipi mi anznavorutyun es. Chem bacarum naev vor nra ayspes kochvac tulaneric es. Henc qo u et vostikan kochvaci patcharov e, vor mardq hayastanic paxchum en. Mer gexecik u hyuraser erkire sarqeciq zer nman anarxistneri hangrvan...Isk inch verabervum e im cankutyunnerin ! havata vor ayn arden iragorcvel e Bayc iragorcvel e qez u gez nmaneri vra. Del bavakan e vor duq ayd xelqin eq... Nman tgututyamb aprele havasar e voch te miayn mek zerqe anboxchutyamb isk myuse kisa ktrac ayl uxexic el ktrvac...
ARMEN
BA.........RI mard es chem cacrana ko makardakin .
Bari Mard
ARMEN Vor porces el ches karox cacranal. Vortev du arden amena cacr vayrum es. El tex chunes cacranalu... Hargeli Mariam Khatchikian ete cheq ararkum im anune kdnem ayn nuyn mardanman vostikani anune. Inch karciki ek, tshisht klini ?

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter