HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

10 տարի առաջ կարգալույծ արված թեմի առաջնորդը պատրաստվում է դատի տալ «Արմենիա TV»-ին

Նոր Նախիջեւանի եւ Ռուսաստանի հայոց թեմի նախկին առաջնորդ Տիրան արքեպիսկոպոս Կյուրեղյանը (ավազանի անունը` Ղազարոս Կյուրեղյան) պատրաստվում է դատի տալ «Արմենիա TV» հեռուստաընկերությանը:

Հոկտեմբերի 23-ին Մոսկվայում Հայ առաքելական եկեղեցու նորակառույց համալիրի Մայր տաճարի գմբեթի խաչերի օրհնության եւ օծման արարողություններն էին: Այդ օրը «Արմենիա TV»-ի «Ժամը» կիրակնօրյա թողարկումը նույն թեմայի մասին ռեպորտաժ է հեռարձակել` նշելով, որ Նոր Նախիջեւանի եւ Ռուսաստանի հայոց թեմի նախկին առաջնորդ Տիրան արքեպիսկոպոս Կյուրեղյանի պատճառով է ձգձգվել եկեղեցու կառուցումը, քանի որ վերջինս յուրացրել է եկեղեցու կառուցման համար նախատեսված նվիրատվության գումարից 3 մլն դոլար:

Նոր Նախիջեւանի եւ Ռուսաստանի նախկին թեմակալ առաջնորդ Տիրան արքեպիսկոպոս Կյուրեղյանին 2000 թ. հոկտեմբերի 6-ին Ամենայն հայոց կաթողիկոս Գարեգին Բ-ն պաշտոնից ազատել է: Նրան փոխարինող նշանակել է իր եղբորը` Եզրաս Ներսիսյանին, որը մինչ այդ Սանկտ-Պետերբուրգի հոգեւոր հովիվն էր: Իսկ Տիրան Սրբազանին առաջարկել է Ուկրարինայի թեմը ղեկավարել: Այդ տարիների հայկական եւ ռուսական մամուլը գրել է, որ Տիրան Սրբազանը չի ցանկացել թողնել իր պաշտոնը, չի ենթարկվել կաթողիկոսին, հրաժարվել է փոխանցել իր ղեկավարած թեմի կառավարումը Եզրաս Ներսիսյանին, հայտարարել է, որ առանձին կրոնական կառույց է ստեղծում` «Մոսկվայի հայ առաքելական եկեղեցիների միություն» անվամբ: Տիրան արքեպիսկոպոս Կյուրեղյանի համախոհները բողոքի ակցիաներ են կազմակերպել, սակայն կաթողիկոսը որոշումը չի փոխել: Գարեգին Բ-ն 2001-ի մայիսին «անկարգությունների եւ անհնազանդության» համար կարգալույծ է արել Տիրան Սրբազանին: Մինչ այդ արդեն սկսվել էին Սուրբ Խաչ եկեղեցու կառուցման աշխատանքները, դրանք նախատեսվում էր ավարտել 2002-ին, սակայն ավարտվել են միայն այս տարի:

2004 թ. հոկտեմբերի 18-ին ռուսական «Կոմերսանտ» թերթը հոդված է հրապարակել Մոսկվայում հայերի կողմից հոգեւոր կենտրոն կառուցելու մասին: Շինարարության ձգձգումը թերթը կապել է Նոր Նախիջեւանի եւ Ռուսաստանի հայոց թեմի նախկին առաջնորդ Տիրան արքեպիսկոպոս Կյուրեղյանի հետ` նշելով, որ նրան մեղադրել են եկեղեցու շինարարության համար նվիրատվությունից 3 մլն դոլարը յուրացնելու մեջ եւ 2001-ին կարգալույծ են արել: «Նոր եպիսկոպոս Եզրասը ստիպված է եղել կրկին միջոցներ հավաքել»,- գրել է «Կոմերսանտը»:

Այս հրապարակման համար Ղազարոս Կյուրեղյանը դատի է տվել «Կոմերսանտին»: Մոսկվայի քաղաքային դատարանը ապացուցված է համարել այդ տեղեկատվության՝ իրականությանը չհամապատասխանելը եւ վճռել է պարտավորեցնել «Կոմերսանտին» հերքում տպագրել: Պարբերականը 2005-ի սեպտեմբերի 16-ին տպագրել է հերքումը` հաստատելով, որ «այդ տեղեկությունները դատարանի կողմից ճանաչվել են իրականությանը չհամապատասխանող»:

Կադրեր «Ժամը» լրատվական հաղորդման կիրակնօրյա (23.10.2011թ.) թողարկումից

«Կոմերսանտի» նույն հերքումը «Արմենիա TV» հեռուստաընկերությանն է ուղարկվել հոկտեմբերի 24-ին: Հեռուստաընկերությունը այդ օրը երեկոյան` հաղորդման ավարտին, հրապարակել է հերքումը, կայքից էլ հանել է նախորդ օրվա սյուժեն, սակայն դեռեւս մնացել է հաղորդավարի կարդացած նախաբանը` Ղ. Կյուրեղյանի լուսանկարով եւ 3 մլն դոլարի անհետացման մասին հարցադրումով: 

«Ցավալին այն է, որ 1,5 տարի մենք աշխատանք էինք կատարել, հիմքը դրված էր, որտեղ շուրջ 108 մ լայնքն էր, 117 մ՝ երկարությունը, 7 մ՝ խորությունը, հիմքը փորված էր, կոմունիկացիոն աշխատանքները լրիվ կատարված էին, քարերը բերված էին Հայաստանից, առաջին քարը շարված էր, եւ պետք է հիմքն օրհնվեր, եւ այս խնդիրը մեջտեղ եկավ իմ անձի նկատմամբ»,- ասում է Ղ. Կյուրեղյանը:

Նա նշում է, որ եկեղեցուն նվիրաբերված գումարների հետ ինքը բացարձակապես կապ չի ունեցել, քանի որ այդ գումարները տնօրինում էր հատուկ ստեղծված քաղաքային ֆոնդը, իսկ իրեն ազատելուց հետո Մոսկվայի քաղաքապետ Յ. Լուժկովը լուծարել է նաեւ այդ ֆոնդը: «Այդ հոդվածների եւ հաղորդման մեջ խոսվում է, որ 3 մլն դոլարի համար ինձ Գարեգին Ներսիսյանը կարգալույծ արեց: Որտեղի՞ց այս տեղեկությունը «Արմենիա TV»-ին: Սա բոլորովին ուրիշ եւ նոր հայտարարություն, նոր մեղադրանք է: Շուրջ 10 տարի անցել է, նորից այսպիսի հերյուրանքներ իմ հասցեին: Նշանակում է, որ ինչ-որ մեկն այդ տեղեկությունը տվել է հաղորդավարին, հաղորդավարը մեղավոր չէ, ինչ-որ տրվում է, այն էլ հաղորդվում է»,- ասում է Ղ. Կյուրեղյանը:

Վերջինս պնդում է, որ անհնազանդ չի եղել կաթողիկոսին, Գարեգին Բ-ն կարգալուծության որոշումն ընդունել է այն ժամանակ, երբ հովվապետական այցով գտնվել է Միացյալ Նահանգներում եւ Կանադայում եւ բջջային հեռախոսով խոսելով եղբոր հետ` տվել է իր կարգալուծության հրամանը: «Որեւէ բարձրաստիճան հոգեւորականի նկատմամբ այդպիսի քայլ չէր արվել: Պետք է համապատասխան կարգ ու կանոն լինի, օրինավոր ձեւով: Կարգալույծ է արվում միմիայն, երբ դավանաբանական լուրջ մեղադրանքներ կան այս կամ այն հոգեւորականի հասցեին»,- ասում է Ղ. Կյուրեղյանը:

Նա իրեն կարգալույծ անելու՝ Գարեգին Բ-ի որոշումը ապօրինի է համարում եւ հիմնավորում, որ եթե իր անձի նկատմամբ կային մեղադրանքներ, պետք է քննիչ ատյան կազմվեր, գար եւ ստուգեր՝ իսկապես մեղադրանքները տեղի՞ն էին, եթե այո, ապա պետք է հարցը դրվեր Գերագույն հոգեւոր խորհրդի նիստին, ապա եւ եպիսկոպոսական ժողովը քննարկեր: Եթե եպիսկոպոսական ժողովը 2/3 ձայնով որոշում է, որ տվյալ եպիսկոպոսը կամ արքեպիսկոպոսը մեղավոր է, այդ ժամանակ է, որ նա պատժվում է. «Իմ դեմ հերյուրանքներ կային, որ մեծ գումարներ եմ յուրացրել, բայց երբ դրանք հօդս ցնդեցին, իրենք գրեցին, որ կաթողիկոսին անհնազանդ է գտնվել: Ես անհնազանդ չեմ գտնվել, դա նույնպես չի համապատասխանում իրականությանը: Առաջին իսկ ամիսներից Գարեգին Ներսիսյանը խախտեց մեր եկեղեցու կարգ ու կանոնը»:

Ղ. Կյուրեղյանը նաեւ ասում է, որ հեռախոսով կարգալույծ անելուց հետո Գարեգին Երկրորդը, երբ Ամերիկայից վերադարձել է Հայաստան, Գերագույն հոգեւոր խորհրդի մի քանի անդամների հետ հետին ամսաթվով կարգալույծ անելու որոշում է կայացրել: Գերագույն հոգեւոր խորհրդի երկու անդամները` Երուսաղեմի Հայոց թեմի առաջնորդ, արքեպիսկոպոս Թորգոմ Մանուկյանն ու Պոլսո հայոց պատրիաք Մեսրոպ Մութաֆյանը, կտրականապես դեմ են եղել եւ չեն ստորագրել որոշման տակ` այդ որոշումը անօրինական համարելով:

Պոլսո պատրիարք Մեսրոպ արքեպիսկոպոս Մութաֆյանը 2000 թ. նոյեմբերի 3-ին նամակ է ուղարկել Գարեգին Բ-ին` 4-րդ կետում անդրադառնալով Տիրան արքեպիսկոպոս Կյուրեղյանին կարգալույծ անելու հարցին. «Թեմակալ առաջնորդ մը ազատ արձակելու «ձեւն» ալ կարեւոր է: Այսօր Սրբազան Պապն իսկ իրավունք չունի իր ուզած եպիսկոպոսը հանկարծակի պաշտոնանկ ընելու, Ամենայն հայոց կաթողիկոսն ալ պետք է ընկալեալ կարգ-կանոնով եւ ավանդությամբ առաջնորդվի: Նման պարագաներուն պետք է հստակ եւ փաստացի ըլլա ազատ արձակվողի, առաջնորդի դեմ բերված ամբաստանությունները, պետք է քննիչ ատյան կազմել, ենթակային ինքնապաշտպանության առիթ տալ եւ ապա արդյունքը հրապարակել»:

«Արմենիա TV» հեռուստաընկերության դեմ դատական հայցը կլինի 5-րդը, որտեղ որպես կողմ հանդես կգա նախկին առաջնորդ Տիրան Կյուրեղյանը: «Կոմերսանտի» դեմ դատական հայցից հետո Մոսկվայի հարկային մարմինները նրան մեղադրել են կառուցվելիք եկեղեցու տարածքի համար հարկերից խուսափելու մեջ, նրա դեմ քրեական գործ է հարուցվել, որը, սակայն, կարճվել է հանցակազմի բացակայության պատճառով. եկեղեցական համալիրի տարածքը հարկից ազատելու մասին հատուկ որոշում է եղել: Հեղինակային իրավունքի խախտման մեկ այլ դատական գործով Ղ. Կյուրեղյանը նույնպես պատասխանող է հանդես եկել, «Մոսկվայի հայ առաքելական եկեղեցիների միության» օրինականության հարցը նույնպես վիճարկել է ՌԴ բոլոր ատյաններում, բայց ապարդյուն:

Հ. Գ. Մոսկվայի Սուրբ Խաչ եկեղեցու շինության, նշյալ դատական գործերի եւ Գարեգին Բ-ի հետ նախկին Սրբազանի փոխհարաբերությունների մանրամասները կարող եք կարդալ Ղազարոս Կյուրեղյանի հետ հարցազրույցում` «Հետքի» էլեկտրոնային տարբերակում:

Մեկնաբանություններ (26)

Демуров Игорь
Полная поддержка Тер-Тирану - выдающемуся человеку и священеослужииелю от Бога. Все силы и умения свои всегда кладёт на алтарь служения Богу и людям, подрастающему поколению.
Арман
Лучше наших Арийских Богов нет! я им поклоняюсь! там нет ни денег, ни зависти! А Тирана Кюрегяна реально подставили братья-мафиози СЛАВА ВААГНУ!
Anahit
Уважаемая Кристине! Ваша статья, на мой взгляд, затрагивает очень важную для армянского народа тему. Далеко не многие знают, что в 2001, когда Гарегин II, нарушив Устав ААЦ, принял единоличное решение о лишении архиепископа Тирана сана, Президент Российской Федерации В.В.Путин в этот же год лично наградил Владыку Тирану за его самоотверженное служение людям государственной наградой - орденом Почета. На мой взгляд, важен и тот факт, что Гарегин II не написал ни одного открытого или закрытого обращения к армянам, которое объясняло бы причину его решения. Равно как и нет ответа на сотни писем московских армян с просьбой оставить Владыку Тирана служить в московском приходе. Видимо, и поэтому тоже, в народе Гарегина II называют Католикосом БЕЗ ВСЕХ армян.
Samvel
Tiran srpazaninkoxke havatakov matiken isk Garegin B-in pashanumen nernak ov uzumen vochinchacnen hay ekexecin.
LIAna
Ayo, anpatchar hamamitem, vor miak mardn, vor MEC arjanikner uni ghekavarelu mer HAYKAKAN EKEXECIN te hayastanum, ev te rusastanum, da iharke Tiran srbazanne, vorin miyan anhimn mexadrankneren nerkayacnel vomn verohishyalnery... Petker vaxuc ays harcy barcracnel ev yntack tal ays harcin.
unknown
u vonc e erevum vor naxkin episkoposy ir merzavornerin asel e vor sensacia sarqen ir antaxand barbajanqic
Arsen
Blagodarya takim ludyam kak Tiran prodolzaesh verit v Boga.
Արշակ
Պետք է Գարեգին Բ-ի փոխարեն Տիրան Սրբազանի պես մարդիկ ղեկավարեին մեր եկեղեցին...
Elina
Арман, напишите мне на почту и я Вам дат номер Владыки. Он правда Священник от Бога! Мой адрес [email protected]
Арман
Уважаемый Святой Отец Тиран. Я часто слышу о Вас исключительно восхищение. Где и как можно с Вами повидаться? А дзядь Гаре (гарегин толи второй толи третий) просто комерсант.
Albert
Indz kenkela srpazana. Hyisovem in erexanerinel inke ke kenki ev irandz harsaniknere inke keani.
Քաջիկ
Չնայած աթեիստ եմ, բայց հպարտանում եմ, որ մեր ազգի մեջ կա Տիրան արքեպիսկոպոսի պես շիտակ և անկոտրում անձնավորություն:
Анна
Люди!!!!!! В церковь надо идти, но ноги не идут. За 10 лет я там не была. А когда был Архиепископ Тиран можно было исповедоваться, посоветоваться, получить душевный покой. А сейчас от церкви стало пахнуть деньгами.
Elina
Anania ete duk uzumek gerek indz es keuxarkem srpazani heraxosahamare. [email protected]
Արտակ
վորջիվերջո ամեն մեկը պատասխան է տալու իր արածի համար, և կարևոր չէ կաթողիկոս ես թէ ով ես: Եվ այս ամենը ցույց է տալիս թէ մենք ինչպիսի ժողովուրդ ենք....: Մեր մէջ ուժ գտնենք, և միշտ արդար, ու արդարության կողմնակից լինենք և խոսքով, և գործով, որպեսզի Աստված էլ ողորմելով ազատի մեզ ազգային թերություններից....
anania
Tiran Srpazan, where are you?
Ruzanna
Предводителем Ново-Нахичеванской и Российской Епархии Армянской Апостольской Церкви для нас, российских армян, был, есть и будет Архиепископ Тиран!
Зара
За 10 лет, Езрас ничего не сделал для Российской епархии. Бизнес, вот, что его только интересует. Учитывая то, что в семинарии в Эчмиадзине ввели предмет Менеджмент и экономика, то можно предположить, что Езрас отрабатывает практику.
Тигран
Архиепископ Тиран явно не вписывался в свиту Сатаны Гарегина! Вот его и снял, назначив родного брата на его место.
Маринэ
Уважаемый Архиепископ Тиран! Главное держитесь! Отвратительная травля, клевета и беззаконие по отношению к Вам, не только позорит этих людей, но и оскорбляет нас, московских армян, которые знают, верят, любят и гордятся Вами.
Elina
Спасибо большое Кристина за эту статью! Владыка для московских армян был и остается Архиепископом, а те кто не поддержал его...пошли за деньгами братьев Нерсесян. Бог им судья.
rahageets
So, what ever happened to the $3 million that allegedly disappeared? How much was spent to build the new cathedral in Moscow anyway?
Kevin
Abriq, shnorhagal enq, Tiran srbazani m'a besazniv ev nvirial hogevorakani m'a nergaiutiuna pativ bedq e ellar amen ekexecii hamar. Isk anorinakan karg arnile.... chem uzer xosil, baic gaitakxutiun e amenus hamar. Apsos vor Mayr Atorin mech txamard ma chexav pashtpanelu Tiran srbazana
Алиса
Разжаловав по телефону Архиепископа Тирана, и поняв, что это ему сошло с рук, Гарегин начал разваливать Армянскую церковь.
VAHAN
Mianshanak e.Problem@ Araqelakan ekexecin che, ayl` Garegin B-n.
Մաթևոս
Ապրես Հետք, ապրես Քրիստինե Աղալարյան: Այ էսպիսին պետք է լինի որակյալ հոդվածը: Թե չէ ստից անդուր դեղին հոդվածներ էիք գրում եկեղեցու մասին: Պետք ա հասկանալ, որ պրոբլեմը եկեղեցին չի այլ էդ Գարեգին Բ-ն:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter