«Side Project»-ը նորաստեղծ նախագիծ է, որտեղ իրար են խառնվել երաժշտական տարբեր ժանրեր:  

Նախագծի անդամները` Ռաֆայելը, Մհերն ու Շահենը հասցրել են  երկու երգ ձայնագրել` «Տխուր օձ»-ը և «Երազ»-ը: Երկրորդ երգում նրանց է միացել Անի Վարդանյանն` իր վոկալով:

Տղաներն ունեն իրենց հիմնական նախագծերը. այս ֆորմատը նրանց թույլ է տալիս երաժշտական փորձարկումներ անել: «Side Project»-ը մտադիր է մի քանի երգ էլ ձայնագրել, ու ալբոմ հավաքել: Այժմ դեռ չեն պատկերացնում, թե ինչ են անելու: Համերգով հանդես գալը դեռ քննարկման փուլում է, քանի որ երգերը ձայնագրված են մի քանի շերտով և բարդ կառուցվածք ունեն` բեմից կատարելու համար: