«Հետքն» ուսումնասիրել է Ազգային ժողովի 131 պատգամավորների, նրանց կանանց, զավակների 2011-2015թթ. ստացած նվերները: Քանի որ նվիրատուների անունները չեն հրապարակվում մնում է գուշակել, թե ով է միլիոններ նվիրել պատգամավորին: Իհարկե, գուշակելը դժվար չէ, նվիրատուի դիմաց սովորաբար գրված է լինում ընտանիքի անդամի կամ ազգականի անունը:

Իսկ ազգականին որտեղի՞ց այդքան գումար, իրականում նա ունի՞ այդքան գումար: Այս հարցերը չփարատված բազմաթիվ կասկածներով մնում են բաց: Հայաստանում նման բացահայտումների համար չկա իրավական հստակ մեխանիզմ, ինչից էլ սահուն կարող են օգտվել բարձրաստիճան պաշտոնյաները: