Երբ գեներալներն են զբաղվում փայտի բիզնեսով
Պաշտպանության նախարարի հրամանով չորս հրամանատարներ` գեներալներ Հայկազ Բաղմանյանը, Լեւոն Երանոսյանը, Սեյրան Սարոյանը եւ Արշալույս Փայտյանը տեղափոխվել են իրենց ղեկավարած զորամիավորումներից: Նախկինում նման տեղափոխությունների ժամանակ հրամանատարներն իրենց հետ տանում էին իրենց վստահելիներին, այժմ ՊՆ նախարարի հրամանով արգելվում է նման բան անել: Վերոնշյալ տեղափոխությունների պատճառով լուրջ խնդիրներ են առաջացել փայտի բիզնեսով զբաղվող Սեյրան Սարոյանի եւ նրա փոխարեն նշանակված հրամանատար Հայկազ Բաղմանյանի միջեւ: Դադիվանքի «մերձակայքում» տեղակայված սղոցարաններում, որ պատկանում են հենց Սեյրան Սարոյանին, տարիներ շարունակ զինվորների մասնակցությամբ ծառահատումներ են իրականացվում: Ըստ մեր ունեցած տվյալների` այժմ Հ. Բաղմանյանն արգելել է իր զորամիավորման զինվորներին մասնակցել ծառահատումներին:
Թե ինչով է ավարտվելու երկու գեներալների վիճաբանությունը, առայժմ հայտնի չէ: Ամենայն հավանականությամբ այս հատվածի լրիվ ստվերում գտնվող «փայտի բիզնեսը» կկիսվի երկու գեներալների միջեւ:
Մեկնաբանել