HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Մարտին Երիցյան. լարային երաժշտական գործիքների 60 տարվա վարպետը

«Մարդու կյանքը ստեղծվելուց հետո պետք է մի բան անի, մի բան պետք է ստեղծի, պարապ մնալը վտանգավոր բան է»,- ասում է 85-ամյա ջութակահար, լարային գործիքներ պատրաստող Մարտին Երիցյանը։

Աշխատանքային ավելի քան 60 տարիների ընթացքում վարպետը պատրաստել է 300 ջութակ, 100-ից ավելի ալտ, 39 թավջութակ, 26 քանոն, կիթառներ, վիոլա պոմպոզա երաժշտական գործիքներ։

«Մարտին Երիցյան՝ Շահենի որդի։ Պատրաստված է Երևանում, այսինչ թվականին»,- վարպետը ներկայացնում է` ինչպես է մակագրում իր ստեղծած ջութակները։ Լարային երաժշտական գործիքներ պատրաստելու արհեստը Մարտին Երիցյանին փոխանցվել է հորից՝ Շահեն Երիցյանից, ով, 1932 թվականին Հունաստանից Հայաստան տեղափոխվելով, սկսել է երաժշտական գործիքներ պատրաստել։ Մարտին Երիցյանից էլ արհեստը փոխանցվել է որդիներին՝ Տիգրան և Կարեն Երիցյաններին։ Նրանք նույնպես երաժիշտներ են։

Երիցյանները աշակերտներ չունեն։ Լավ երաժշտական գործիքներ պատրաստելու գաղտնիքները պահում են իրենց տոհմի համար, ուրիշներին չեն փոխանցում։

Մեկնաբանություններ (1)

Մարինե
Որտեղի՞ց կարելի է գնել վարպետի պատրաստած ջութակները կամ ինչպես կարելի է կապվել վարպետի հետ

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter