Արագածոտնի մարզի Վարդենիս գյուղի դպրոցում սովորում է մոտ 90 աշակերտ: 4- րդ կարգի վթարային շենքը պետք է փոխարինվեր նորով: 2011-ին կառավարությունը հաստատել էր 430,7 մլն դրամ արժեքով Վարդենիսի դպրոցի կառուցման աշխատանքների ձեռքբերման մրցույթների արդյունքները: 2012-ին նոր դպրոցի հիմքերը փորել էին, սակայն արդեն 2015թ-նն է, այն դեռևս պատրաստ չէ: Դպրոցը կառուցում է ՀՀ Ազգային ժողովի պատգամավոր Արագած Ախոյանի «Սպիտակ կամար» ընկերությունը: 100 աշակերտի համար նախատեսված երկհարկանի շինությունը լցվել է անձրևաջրերով, որովհետև պատգամավորի ընկերությունը նախորդ տարի չի կարողացել տանիքի կառուցման աշխատանքներն ավարտին հասցնել: