Արդեն հինգ ու կես տարի է, ինչ Իրինա Ղազարյանները պայքարում են 2010 թվականի դեկտեմբերի 17-ին Հադրութի զորամասերից մեկում մահացած որդու՝ հետախույզ Արթուր Ղազարյանի մահվան հանգամանքները պարզելու համար: Ղազարյանի ծնողները չեն ընդունում որդու մահվան պաշտոնական վարկածը, որի համաձայն Արթուրի գլխում չարորակ ուռուցք է հայտնաբերվել: Մայրը շեշտում է, որ դա ուռուցքի նշան լինել չի կարող, սակայն մինչ օրս իրավապահները եւ դատախազությունը անտեսում են գործը վերանայելու Ղազարյանների պահանջները: Մինչդեռ Ղազարյանները նշում են, որ որդին իրականում սպանվել է զորամասում տեղի ունեցած միջադեպի հետեւանքով: Իրինա Ղազարյանը բանակում սպանված այլ զինծառայողների մայրերի հետ ամեն շաբաթ բողոքի ակցիաներ է իրականացնում Կառավարության եւ նախագահական նստավայրի մոտ եւ վստահ է, որ ուշ թե շուտ իր պայքարը արդյունք կտա: