Ութ ամիս առաջ Հայաստանում կոշիկի արտադրություն հիմնած Սաֆարների սիրիահայ ընտանիքը պայքարում է Հայաստանում մնալու եւ աշխատելու համար: Ընտանիքի չորս անդամները ամեն վայրկյան բախվում են իրենց համար անսովոր ապօրինությունների հետ, ինչի հետեւանքով իրենց այլեւս հայրենիքում չեն զգում: Արդեն մեկ ամիս է, ինչ նրանք Երեւանի Տերյան փողոցում տարածք են վարձակալել, սակայն օր օրի իրականանում են նրանց վատագույն կանխատեսումները. վաճառք չկա, փոխարենը անընդհատ տույժեր ու տուգանքներ են վճարում, սակայն նրանք դեռեւս չեն ցանկանում հեռանալ Հայաստանից: