Մի խումբ քաղաքացիներ Ազատության հրապարակից երթով շարժվեցին դեպի նախագահի նստավայր` իշխանություններին «կարմիր քարտ» ցույց տալու: Երթը հասավ մինչև Բաղրամյան-Դեմիրճյան խաչմերուկ, որտեղ ոստիկանությունը փակեց երթի մասնակիցների ճանապարհը` ասելով, որ նախագահի նստավայրը հատուկ պահպանվող օբյեկտ է, և երթի մասնակիցները կարող են քայլել միայն դիմացի մայթով: Քաղաքացիները հետ քայլեցին դեպի Ազգային ժողովի շենք, նրանցից մի քանիսը մտան ԱԺ ընդունարան` այնտեղ իրենց պահանջները հնչեցնելոււ: Երթի մասնակիցները պահանջում էին իջեցնել էլեկտրաէներգիայի, գազի, ալյուրի, շաքարավազի, բենզինի գները: