Դեպոնացման գաղափարի ներմուծմանը միայն փաստաբանները չեն, որ դեմ են. մամուլում նաեւ այսպիսի կարծիք շրջանառվեց՝ նման ինստիտուտ որեւէ երկրում գոյություն չունի: Ի՞նչն է անընդունելի ընդդիմախոսների համար, անհանգստացած են օրենսգրքի նախագծով նախաքննության նշանակությունը նվազեցնելո՞ւց, թե՞ նախաքննության շրջանում փաստաբաններին ավելի մեծ պատասխանատվություն վերապահելուց... : «Հետքի» սրահում այս հարցերի շուրջ են բանավիճում Քրեական դատավարության նոր օրենսգիրքը մշակող աշխատանքային խմբի ղեկավար, ԵՊՀ իրավաբանական ֆակուլտետի դոցենտ, իրավագիտության թեկնածու Հրայր Ղուկասյանը եւ քրեական գործերում մասնագիտացած փաստաբան Լուսինե Սահակյանը: