Հայաստանում պետական գնումների համակարգը մեծ դեր է խաղում երկրի տնտեսության մեջ: 2014թ. ՀՀ-ում պետական մարմինների կողմից իրականացված գնումների ընդհանուր ծավալը կազմել է մոտ 202 մլրդ. ՀՀ դրամ, որը կազմում է նույն տարվա պետական բյուջեի մոտ 16.4%-ը: Շուրջ 52 մլրդ դրամի գնումներ էլ 2014թ.-ին իրականացվել է համայնքային մարմինների կողմից: Պետական գնումների ոլորտը զերծ չէ չարաշահումներից և կոռուպցիոն ռիսկերից: Այստեղ իրենց մասնակցությունն ունեն տարբեր տրամաչափի պաշտոնյաներ: Շարունակում են մեծ տոկոս կազմել մեկ անձից կատարվող գնումները, որոնք դուրս են մրցակցությունից և կարող են չարաշահումների մեծ տոկոս կազմել: Ինչու՞ Հայաստանում չի զարգանում գնումների ոլորտը, ինչ խանգարող հանգամանքներ կան: Այս և նմանատիպ այլ հարցերը քննարկում ենք տնտեսագետ Արտակ Մանուկյանի հետ:
Մեկնաբանել