Այս օրերին ընթացող տեղական ինքնակառավարման մարմինների ընտրությունների առանձնահատկությունների եւ թեկնածու-ընտրող փոխհարաբերություններում անցնող 25 տարիներին կատարված փոփոխությունների մասին «Հետքի սրահ»-ում զրուցել ենք սոցիոլոգ Ռազմիկ Մարտիրոսյանի հետ:

Սիսիանի «Կանանց ռեսուրս կենտրոն» հիմնադրամի գործադիր տնօրեն, Սիսիան համայնքի ավագանու անդամ, «Լուսավոր Հայաստան» կուսակցության կողմից Սիսիան համայնքի ղեկավարի թեկնածու առաջադրված Սրբուհի Գրիգորյանը «Հետքի սրահ»-ում ներկայացնում է Սիսիան քաղաքի իր տեսլականը:

Մարցիգետը Դեբեդի աջ վտակն է: Գտնվում է Լոռու մարզի Թումանյանի շրջանում: Երկարությունը 29 կմ է: Այս գետի 11 կմ-ը, այսինքն՝ գետի 38%-ը, երկու հէկի համապատասխան ջրի ճնշումն ապահովելու համար, անցնում է առավելապես խողովակների միջով: Երրորդը կառուցվել է Մարցիգետը սնուցող Սարաջուր վտակի վրա: 

Գառնի համայնքի ղեկավարի թեկնածու Արուսյակ Այվազյանն այս նախընտրական կարգախոս-կոչով է դիմում համագյուղացիներին: «Հետքի սրահում» նա ներկայացնում է, թե ովքե՞ր են իր հենարանն այս ընտրապայքարում, ո՞րն է իր առավելությունը համայնքի ղեկավարի թեկնածու առաջադրված 3 մրցակիցների նկատմամբ:

Սեպտեմբերի 18-ին կայանալիք ՏԻՄ ընտրություններում համայնքի ղեկավարի եւ ավագանու անդամի համար առաջադրված թեկնածուների ցանկում կանայք շատ փոքր տոկոս են կազմում: «Հետքի սրահի» այսօրվա հյուրը կրթական, հասարակական եւ գործարար ասպարեզներում մեծ կենսափորձ ունեցող Օշական համայնքի ղեկավարի թեկնածու Վերա Զաքարյանն է: Գործող համայնքապետին մեկ անգամ պարտված թեկնածուն տարիներ հետո էլ չի փոխել իր համոզմունքը` «Կանայք ապացուցել են, որ շատ ավելի պարկեշտ գործարարներ են, շատ ավելի պատասխանատու, քան տղամարդիկ»:

Ինչպես է Սահմանադրությամբ փոփոխվել Լռելու իրավունքը

Կոռուպցիայի դեմ պայքարի, դրա կարևորության մասին բոլորն են խոսում, սակայն քչերն են տեսնում այդ պայքարի արդյունքները: Կամ ավելի ճիշտ՝ որոշակի արդյունքներ տեսնում են հիմնականում իշխանության ներկայացուցիչները:

Աղքատության կրճատման ցուցանիշով Հայաստանն աշխարհում հայտնվել է 73-րդ տեղում։ Հետազոտողները, մեր երկրում առկա տնտեսական պայմաններում, աղքատության աճի հավանականությունը մեծ են համարում։ «Հետքի սրահ»-ում աղքատության խորացման պատճառների եւ նպաստների համակարգի հասցեականությանը վերաբերող հարցերի մասին զրուցել ենք ՀՀ աշխատանքի եւ սոցիալական հարցերի նախարարության սոցիալական աջակցության վարչության պետ Աստղիկ Մինասյանի հետ:

Յուրաքանչյուր ոք ունի խաղաղ, առանց զենքի հանրահավաքներին ազատորեն մասնակցելու և դրանք կազմակերպելու իրավունք: Այդպես է գրված ՀՀ Սահմանադրությունում: Սակայն յուրաքանչյուր հակաիշխանական հանրահավաքի, բողոքի ակցիայի ժամանակ ցուցարարները բախվում են բոլորովին այլ իրավիճակի հետ: Նույնիսկ հակաիշխանական մեկ պաստառը բավարար է, որպեսզի ցուցարարներին բերման ենթարկեն ոստիկանական բաժանմունք: Հայաստանում ինչու՞ կյանքի չի կոչվում առանց զենքի, խաղաղ հանրահավաքներին մասնակցելու իրավունքը: Այս թեմայով «Հետքի սրահ»-ում խոսելու են Մարդու իրավունքների պաշտպանի մամուլի խոսնակ Զոհրապ Եգանյանը, փաստաբան Հայարփի Սարգսյանը և պահանջատեր քաղաքացի Միքայել Նազարյանը:

Վերանորոգված, բայց վերանորոգման կարիք ունեցող դպրոցները