HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սոնա Ավագյան

Տեղի ունեցավ «Ֆորտեի» երկրորդ համերգը

Այսօր Ավանի մշակույթի տանը տեղի ունեցավ «Ֆորտե» հաշմանդամների գիտամշակութային հասարակական կազմակերպության համերգը, որին մասնակցում էին ՀԿ-ի անդամները, ինչպես նաև այլ երիտասարդ կատարողներ:

ՀԿ-ի անդամ երգիչները կատարեցին բազմաժանր ծրագիր՝ ժողովրդական, աշուղական, էստրադային երգեր, շարական, նաև համաշխարհային դասական երգեր և ասմունք:

«Ֆորտեի» անդամ երգիչներից ոմանք արդեն ելույթ են ունեցել տարբեր բեմերից: ՀԿ-ի անդամների մոտ կեսը պրոֆեսիոնալ երաժիշտ է՝ բարձրագույն երաժշտական կրթություն ունի կամ առնվազն երգում է ինչ-որ խմբում:

«Ֆորտեի» առաջին համերգը տեղի էր ունեցել դեկտեմբերին: «Փորձում ենք, որ ավելի լուրջ ծրագիր լինի, համերգը ավելի բարձր մակարդակով կազմակերպվի, և մեր երգիչները կամաց-կամաց ավելի մեծ բեմերից երգեն»,- ասաց «Ֆորտեի» ղեկավար, երիտասարդ երգահան Նորայր Աղասյանը:

Նա համերգի ընթացքում նվագակցում էր երգիչներին, նաև նվագեց իր գրած ստեղծագործություններից չորսը:

Համերգին, որին ներկա էին հյուրեր նաև Վրաստանից ու Լեհաստանից, աջակցել են Ավանի թաղապետարանը և Մշակույթի տան տնօրինությունը:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter