Չորեքշաբթի, 23 ապրիլի

«Հոգևոր անվտանգությունը վտանգված է»

Մերի Մամյան


14:51, 7 մարտի, 2012

Այսօր լրագրողների հետ հանդիպման ժամանակ քահանա Եսայի Արթենյանը հայտարարեց, որ Հայաստանում կան հոգևոր անվտանգության լուրջ խնդիրներ:  Շատ է խոսվում դեմոկրատիայից, խոսքի, խղճի և կրոնի ազատությունից, սակայն, քահանայի կարծիքով, այսօր դրանք սխալ ձևով են դրսևորվում: Արդյունքում ավելի շատ վնաս են հասցնում, քան օգուտ: Խոսքի ազատությունից օգտվելով՝ մարդիկ ինչ ուզում` խոսում են, քննադատում կամ մերժում են եկեղեցին՝ անտեսելով պատմությունն ու փաստերը:

Եսայի Արթենյանի խոսքերով՝ յուրաքանչյուր ոք կարող է օգտվել կարծիքն արտահայտելու իր իրավունքից, բայց պետք է նաև պատասխանատվություն կրի իր ասածների և դրա հետևանքների համար:

Եսայի Արթենյանը նաև խիստ վտնագավոր է համարում աղանդների գործունեությունը, որոնք գործում են առանց վերահսկողության և պատասխանատվության, մարդկանց հետ վարվում են հակաքրիստոնեական և հակամարդկային մեթոդներով, մարդկանց ստրկացնում են ու կառավարում նրանց զգացմունքներն ու միտքը: Վտանգավոր է, երբ մարդուն կյանքը ներկայցվում է միայն սև և սպիտակ գույներով: Այսինքն՝ եթե անձը տվյալ կրոնական կազմակերպության անդամ է, ապա նա կգնա դրախտ, իսկ դրանից դուրս ամեն ինչ դժոխք է: Քահանայի խոսքերով՝ այս մոտեցումը բնորոշ է բոլոր քայքայիչ աղանդներին, որոնք այսօր շատ են:

«Քայքայիչ պաշտամունքից տուժածների օգնության և վերականգնողական կենտրոն» ՀԿ-ի նախագահ Ալեքսանդր Ամարյանը համաձայնեց քահանա Եսայի Արթենյանի կարծիքի հետ՝ հավելելով, որ վտանգ կա ոչ միայն աղանդի, այլև մշակույթի առումով՝ հեռուստաընկերություն, տեսանյութերի արտադրություն և այլն: Նա լրագրողներին ներկայացրեց տեսաերիզներ, որոնցից մեկում ներկայացված էին ծայարահեղ դաժան կադրեր, իսկ մյուսները մուլտպատկերների միջոցով քարոզում էին պոռնոգրաֆիա և միասեռականություն: Դրանք «պիրատկան» դիսկեր էին, որոնք վաճառվում են Հայաստանում ընդամնեը 500 դրամով:

Ա. Ամարյանի խոսքերով՝ հայկական հեռուստասերիալները քարոզում են հարազատների միջև սեռական կապ: Պարզապես այսօր չկան համապատասխան մասնագետներ, որոնք կորակավորեն և կհիմնավորեն այդ երևույթները:

Ամարյանը հավելեց, որ տեսաերիզների մասին տեղյակ է մշակույթի նախարարությունը, ինչպես նաև բոլոր պետական կառույցները, սակայն արձագանք նրանց կողմից չկա:

Ամարյնաի մոտ կա նաև տեսաերիզ, որտեղ «Կյանքի խոսք» կրոնական կազմակերպության առաջնորդ Արթուր Սիմոնյանն ու դերասանուհի Անժելա Սարգսյանն են, ինչը, ըստ բանախոսի, հաստատում է, որ վերջինս այդ կառույցի անդամ է:

Դեպքի հետ կապված Եսայի Արթենյանը նշեց, որ «Կյանքի խոսքը» սկզբում աջակցում էր դերասանուհուն՝ ստեղծելով մարդասեր եկեղեցու համբավ, բայց հետո ինքը հրաժարվեց նրանից: Նրա խոսքերով՝ այդ կրոնական կառույցը խրախուսում է անառակություն՝ ասելով, թե ինչպես էլ ապրես, դա քեզ ներվելու է: Իսկ Ա. Ամարյանը նշեց, որ եթե կրոնական կազմակերպության հետևորդը կատարում է հանցագործություն, ապա կառույցը միանգամից հարաժարվում է նրանից: Այն դեպքում, երբ պետք է դատապարտել արարքը և նրան ճիշտ ճանապարհին կանգնեցնել:

Ա. Ամարյանի խոսքերով՝ այսօր իրավապաշտպանները չեն խոսում այս խնդիրների մասին, արդյունքում ոտնահարվում են հավատացյալների իրավունքները: Աղանդների խնդիրը պետք է լուծվի պետական մակարդակով, որովհետև «հոգևոր անվտանգությունը վտանգված է»: Բացի այդ՝ այսօր հնարավորություն չկա ամբողջական տեղեկատվություն ստանալ կրոնական կազմակերպությունների մասին: 


Գլխավոր էջ



Մեկնաբանություններ (4)
1. Վահե15:15 - 7 մարտի, 2012
Հարգելի խմբագրություն, քահանայի համար ճիշտ է գրել «Տեր Եսայի քահանա Արթենյան», «Եսայի»ն առանձին չի օգտագործվում այս դեպքում, որովհետև «Եսայի»ն Տեր Հոր անձնագրային անունը չէ, այլ քահանա օծման անունը:
2. HAYKKISEBLYAN00:28 - 8 մարտի, 2012
Ամարյանը: Նա նաեւ կոչ արեց ԶԼՄ-ների ներկայացուցիչներին աղանդավորության թեմայով ցանկացած հոդված պատրաստելիս գրագետ մոտեցում ցուցաբերել:
3. Արշակ21:28 - 8 մարտի, 2012
Ցավալին այն է որ հոգեվոր ոլորտում Տեր Եսային ,իսկ աշխարհիկ ոլորտում Ամարյանը մենակ են աղանդների դեմ պայքարում
4. Nune Aghasaryan21:54 - 6 ապրիլի, 2012
Դժվար է քրիստոնյա լինելը:Հիշել, որ քո կռիվը մսի ու արյան դեմ չէ,որ քեզ արարողը քեզ հալածողին էլ է արարել ու նույն նախանձավորությամբ նրան էլ է սիրում ,բայց ոչ մեր չար գործերը...
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լրահոս

Բոլոր նորությունները

Արխիվ
 
 
  Պատրաստված է՝

Մեր մասին

Հասցե՝ Հայաստանի Հանրապետություն,
Երեւան-0010, Բուզանդի 1/3, 8-րդ հարկ
Հեռ.՝ +374 10 563363
Էլ-փոստ՝ info@hetq.am

Մեջբերումներ անելիս հղումը «Հետքին» պարտադիր է:
© 2014 Հետք online: Բոլոր իրավունքները պաշտպանված են:
Աջակցեք «Հետքին»