ՈՒրբաթ, 21 սեպտեմբերի

Քաջարանի համայնքապետն իր քվեն իշխանություններին չի տալու



ՀՀԿ-ի անդամատոմսը վայր դնելուց հետո Սյունիքի մարզի Քաջարան գյուղի համայնքապետ Ռաֆիկ Աթայանը չի պատրաստվում այլ կուսակցության անդամակցել: «Ինչի՞ս է պետք»,- կուսակցական դառնալու հարցին այսպես է պատասխանում համայնքապետը:

Ռաֆիկ Աթայանը «Հետքին» տեղեկացրեց, որ գալիք խորհրդարանական ընտրություններին անպայման մասնակցելու են եւ քվեարկելու են նրա օգտին, «ով գյուղի կողքին կանգնի, գյուղացիների խնդիրները բարձրացնի»:

Համայնքապետը դժվարացավ գյուղացիների անունից ասել, թե հիմնականում որ քաղաքական ուժին են իրենց քվեն տալու, սակայն միանշանակ պատասխանեց, որ ինքը իշխանությունների օգտին չի քվեարկելու: «Ես ինչի՞ իշխանությանը ձայն տամ: Մի տարի է՝ բողոքում եմ, ոչ մի տեղ չի անցնում ձայնս, ինչի՞ համար նրանց օգտին քվեարկեմ»,- ասաց Ռաֆիկ Աթայանը:

Հիշեցնենք, որ կառավարության որոշումով Քաջարան գյուղի տարածքների մի մասը ճանաչվել են հանրային գերակա շահ եւ հատկացվել Զանգեզուրի պղնձամոլիբդենային կոմբինատին: Գյուղացիները մեկ տարի շարունակ բողոքում են կառավարության որոշման դեմ, սակայն` ապարդյուն:


Գլխավոր էջ


Տես նաև՝

ավելին



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ