Օգոստոսի 25-ին Գերմանիայում հայազգի պրոֆեսիոնալ բռնցքամարտիկ Արթուր Աբրահամը ռինգ դուրս կգա աշխարհի չեմպիոնի տիտղոսը նվաճելու համար: Այժմ WBO վարկածով աշխարհի չեմպիոնի կոչումը կրում է գերմանացի Ռոբերտ Շտիգլիցը: Նա պետք է պաշտպանի իր գոտին Բրիտանիան ներկայացնող Ջորջ Գրոուվզի հետ մենամարտում: Մենամարտի հաղթողն էլ կլինի Աբրահամի հաջորդ մրցակիցը:

Արթուր Աբրահամը մարտի 31-ին 9 միավորի առավելությամբ հաղթել էր լեհ բռնցքամարտիկ Պյոտր Վիլշևսկուն' վերանվաճելով WBO վարկածով Եվրոպայի չեմպիոնի տիտղոսը: Այն Աբրահամը նվաճել էր այս տարվա հունվարի 14-ին արգենտինացի Պաբլո Ֆարիասի հետ մենամարտի արդյունքում: Այս մասին հայտնում է Արթուր Աբրահամի մամուլի խոսնակ Սիրան Գրիգորյանը: