HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գրիշա Բալասանյան

Լրագրողը դատի չի տա իրեն հայհոյած պատգամավորին

Երեկ Ազգային ժողովում հերթական միջադեպն է գրանցվել պատգամավորի եւ լրագրողի միջեւ: Այս անգամ պատգամավոր Սաշիկ Սարգսյանի եւ «Հրապարակ» օրաթերթի լրագրող Մարինե Խառատյանի հարաբերություններն են լարվել:

Ինչպես պատմում է լրագրողը, ԱԺ միջանցքում հանդիպելով Սաշիկ Սարգսյանին` մոտեցել է նրան եւ հարց ուղղել, թե պատրաստվո՞ւմ է արդյոք առաջադրվել առաջիկա խորհրդարանական ընտրություններում: Սաշիկ Սարգսյանը խլել է Մարինե Խառատյանի ձայնագրիչը, եւ ըստ լրագրողի` «բոլոր հնարավոր կոճակները սեղմելով` անջատել այն` թե ի՞նչ իրավունք ունես ինձ հարց տաս»:

Այնուհետեւ Սաշիկ Սարգսյանը սկսել է վիրավորել եւ սեռական բնույթի հայհոյանքներ տալ լրագրողին: Մարինեի խոսքերով` դեպքին ականատես են եղել ԱԺ աշխատակիցները, որոնք էլ հետ են պահել պատգամավորին, եւ իր վրա հարձակումը կանխվել է: Մարինեն ասում է, որ Սաշիկ Սարգսյանի հայհոյանքներին ականատես է եղել ՀՀԿ խմբակցության ղեկավար Գալուստ Սահակյանը: Նա չի հանդարտեցրել Ս. Սարգսյանին, հակառակը սաստել է լրագրողին, թե «մարդը չի ուզում, հարց մի տվեք»:

«Հրապարակի» լրագրողը ձայնագրել է հայհոյանքների վերջին հատվածը, որը պատրաստվում է ուղարկել ՀՀ նախագահին:

Գալուստ Սահակյանից պարզաբանում վերցնել չհաջողվեց: Պատգամավորի հեռախոսը ժամանակավորապես արգելափակված է:

«Հրապարակի» գլխավոր խմբագիր Արմինե Օհանյանը «Հետքի» հետ զրույցում ասաց, որ չի ցանկանում պատգամավորների պարտադրած խաղի կանոններն ընդունել եւ դատի տալ նրանց: «Ընդհանրապես դատարան դիմելը լավագույն ճանապարհը չէ հարցերը լուծելու համար. պարզապես պետք է մեր գրելով, լրատվական դաշտի միասնությամբ կարողանանք մեր հարցերը լուծել: Առաջին դեպքը չէ, երբ Սաշիկ Սարգսյանը այդպես է վարվում լրագրողների հետ: Ժամանակն է, որ այդ մարդուն ինչ-որ ձեւով հասկացվի, միգուցե արժի, որ լրագրողական հատուկ բոյկոտ հայտարարենք կամ հակառակը` միշտ մոտենանք հատուկ հարցեր տանք, որ բացվի եւ իր դեմքը ցույց տա հասարակությանը: Կարծում եմ` ճիշտն այդ տեսակ քայլեր անելն է, ոչ թե դատարան դիմելը»,- նշում է Արմինե Օհանյանը:

Ա. Օհանյանի խոսքերով` այսօր ստեղծվել է այնպիսի վիճակ , երբ մեր երկրում «ամենալկտի մասսան դարձել են հենց Ազգային ժողովի պատգամավորները, որ իրենց պարտականությունները չեն կատարում օրենսդիր մարմնում եւ նույնիսկ լրագրողների հետ շփվելու կուլտուրա չունեն»:

Մեկնաբանություններ (5)

Schmavone
typical behaviour of oligark-assembly deputy, who are the same people in Armenia, as u may know, they vote the law but they re over the law, stronger than the republic princips, and at least he s president brother, to many democracy failures on a narrow territory of Armenia, that s the reason the armenian citizen are leaving their homeland for anoter difficult life.....
chello
Wait a minute... Is the reporter in question, Marineh Kharatyan, now questioning the reporting of Hetq's Grisha Balasanyan? Some clarity please...
Marine Kharatyan
Ete coment@ cheq tpum poxeq luri vernagir@
Marine
Grisha du inc het xosel es? Harcrel es` dati ktam, te che, vor grel es lragrox@ dati chi ta iren hayhoyac patgamavorin?
sergik
nman depqum zajnagrutjune petq e dnel youtub u toghnel vor khajtarak lini , te che....

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter