Թիվ 23 ընտրատարածքում մեծամասնական ընտրակարգով առաջադրված թեկնածու, ՀԱԿ ներկայացուցիչ Վարդան Ջհանգիրյանի նախընտրական շտաբի լրատվական ծառայության հաղորդումը 

Ապրիլի 13-ին Հայ ազգային կոնգրեսի ներկայացուցիչ, թիվ 23 ընտրատարածքում մեծամասնական ընտրակարգով առաջադրված թեկնածու Վարդան Ջհանգիրյանը Վարդենիսում հանդիպել է ԱՄՆ գործերի ժամանակավոր հավատարմատար Բրյուս Դոնահյուի հետ: Հանդիպման ընթացքում գործերի ժամանակավոր հավատարմատարի հետ քննարկվել են ընտրական գործընթացներին վերաբերվող հարցեր` մասնավորապես նախըտրական շտաբի կողմից հայտնաբերված  ընտրացուցակներում մեծածավալ թերությունների եւ քարոզարշավի ընթացքում տեղի ունեցած որոշ խախտումների մասին: Ինչպես նաեւ Վ. Ջհանգիրյանն ներկայացրել է իր շտաբի գործունեությունը: 

11.04.2012թ. Հայ ազգային կոնգրեսի ներկայացուցիչ, թիվ 23 ընտրատարածքում մեծամասնական ընտրակարգով առաջադրված թեկնածու Վարդան Ջհանգիրյանի նախընտրական շտաբը դիմում-բողոք էր ներկայացրել թիվ 23 ԸԸՀ ՕԵԿ կողմից առաջադրված թեկնածու Կարեն Բոթոյանի կողմից նախըտրական քարոզչության սահմանված կարգի խախտումների` Ընտրական օրենսգրքի 18-րդ հոդվածով նախատեսված պահանջների վերաբերյալ:

13.04.2012թ. թիվ 23 ԸԸՀ-ն քննարկել եւ ամբողջ ծավալով բավարարել է դիմում-բողոքը եւ որոշում է կայացրել եռօրյա ժամկետ տրամադրել խախտում թույլ տված թեկնածուին դրանք վերացնելու համար: