HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արարատ Դավթյան

«Ժառանգությունը» պայքարում է՝ նոր իշխանություն ձեւավորելու համար

ԱԺ նախագահ Հովիկ Աբրահամյանը հայտարարել է, թե ՀԱԿ-ին տեսնում է ապագա խորհրդարանում եւ նույնիսկ մոտավորապես գիտի, թե Կոնգրեսը քանի մանդատ կունենա: Անդրադառնալով ասվածին՝ «Ժառանգության» ղեկավարը նշում է, թե ստույգ չգիտի՝ մանդատների վերաբաշխման հարցը կանխավ որոշվա՞ծ է, թե՞ ոչ: Բայց, այնուամենայնիվ, անցյալի հետագիծը հուշում է, որ ընդհանուր պատկերը որոշ չափով կանխավ որոշվում է:

«Իմ կարծիքով՝ մակերեսային խոսքերը կարեւոր չեն: Մենք որոշել ենք հնարավոր բոլոր եղանակներով (առանց որեւէ մեկը բացառելու)՝ Ազգային ժողովից մինչեւ հրապարակ, ընտրական եւ ոչ ընտրական, շարունակել պայքարը նոր իշխանության ձեւավորվամ համար՝ արտահերթ կարգով»,- ասում է Րաֆֆի Հովհաննիսյանը եւ հավելում, որ գուցե դա իրենց ուժերից վեր է, սակայն «հիմիկվանից որոշել, որ ընտրականն է միակ եղանակը կամ ոչ ընտրականը, վաղաժամ մոտեցում է»: Ուստի, անհրաժեշտ է արձանագրել՝ նոր Հայաստանը կերտվելու է բոլոր հնարավոր եղանակներով:

«Որոշակի հանգամանքների բերմամբ «Ժառանգությունը» էապես կավելացնի իր ներկայությունն ԱԺ-ում, բայց դա կյանքի նպատակ չէ: «Ժառանգությունը» փաստել է, որ իր ինքությունից վեր կան քաղաքական, քաղաքացիական ավելի բարձր նպատակներ, եւ մեր խնդիրը 6-ը կամ 7-ը կրկնապատկելը չէ, այլ ունենալ այն Հայաստանը, որն իրավական է, ժողովրդավարական, ուստի եւ կարող է ազգային հարցեր հետապնդել ու լուծել,- ասում է Հովհաննիսյանը եւ ընդգծում,- այն, ինչ պետք է սրան հասնելու համար, այդ բանաձեւումն իրականացնելու համար «Ժառանգությունը» պատրաստ է»:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter