Տեսանյութեր
Լուսանկարներ
Տիգրան Կարպետյանը միասնական շտաբի մասին. «Էշն ու ձին չեն կարող միավորվել»
«Ո՞նց է, որ բոլորս մեղավոր ենք, ՀՀԿ-ն միշտ ճիշտ է», - հարցնում է Ժողովրդական կուսակցության նախագահ Տիգրան Կարապետյանը:
Նրա խոսքերով' ՀՀԿ-ն անընդհատ նշում է, որ լինելու են ազնիվ ընտրություններ, սակայն չի խոստովանում իր մեղքերը, ինչպես նա կարող է ազնիվ աշխատել, եթե Արարատի մարզպետը' Էդիկ Բարսեղյանն աշխատում է իր' Տիգրան Կարապետյանի դեմ:
Թիվ 17 ընտրատարածքում, որտեղ Տ. Կարապետյանն առաջադրված է մեծամասնական ընտրակարգով, նրա խոսքերով, մարզպետն աշխատում է ՀՀԿ թեկնածու Կարինե Պողոսյանի համար, ներկա է գտնվում նրա բոլոր հանդիպումներին, ամեն կերպ սատարում է նրան' օգտագործելով իր բոլոր լծակները: Իսկ իր դեմ կատարվում են աշխատանքներ: Գյուղապետերը իրենց «կատարածուներին» ուղարկում են տնետուն' պահանջելով, որ մարդիկ չգնան իր հետ հանդիպման: Եվ այդ ամենը վերահսկում է մարզպետը:
Տ. Կարապետյանի կարծիքով' այս ամենի հետևանքով ազգը կոտրվում է: Ժողովրդին շահագրգռելով փոքր տնտեսական միջոցներով' կոտրում են նրա կամքը, նրան նվաստացնում, և ժողովուրդը հնարավորություն չի ունենում օգտվել Սահմանադրական իրավունքից' իր կամքի համապատասխան:
Ժողովրդական կուսակցության նախագահի համոզմամբ' մեծամասնական ընտրակագով ընտրված պատգամավորը հիմնականում չի աշխատում իր տարածքի համար: Այդ պատճառով էլ իր դեմ պայքարում են, քանի որ իր ընտրվելու դեպքում կլինի նախադեպ. պատգամավորը աշխատելու է ժողվրդի համար: Իսկ ժողվուրդն իրեն հավատում է:
Տ. Կարապետյանի խոսքերով' խայտառակություն կլինի, եթե ժողովուրդը ձայն տա ՕԵԿ-ին: Կուսակցությունն այս տարվա քարոզարշավում օգտագործում է նախորդ ընտրությունների կադրերը: Տ. Կարապետյանը հայտարարեց, որ եթե ՕԵԿ-ն անցնի խորհրդարան, ապա Հայաստանում կավելանա արտագաղթի թիվը:
Նրա համոզմամբ' չկա այնպիսի քաղաքական ուժ, որը գնա ազնիվ ճանապարհով, և եթե բոլորը գնային ազնիվ ճանապարհով, ապա ժողովուրդը լավ կապրեր: Իսկ միանասնական շտաբի ստեղծման գաղափարը նա համարում է թյուրամիացություն, քանի որ «էշն ու ձին չեն կարող միավորվել»:
Մեկնաբանություններ (1)
Մեկնաբանել