Հայոց Համազգային Շարժում կուսակցության նախագահ, Երեւանի թիվ 4 ընտրատարածքում մեծամասնական ընտրակարգով ԱԺ պատգամավորի թեկնածու Արամ Մանուկյանը նախընտրական քարոզարշավն իրականացրել է անձամբ այցելելով իր ընտրողների բնակարաններ:

Դռնեդուռ քարոզչության մեթոդով նա հանդիպել է թիվ 4 ընտրատարածքի ավելի քան 4 000 ընտանիքի հետ: Ցավոք, ժամանակի սղության պատճառով Արամ Մանուկյանը չի հասցրել հանդիպել իր ընտրատարածքի բոլոր բնակիչների հետ, ինչի համար հայցում է ընտրողների ներողամտությունը:

ՀՀՇ վարչության նախագահ Արամ Մանուկյանը եւս մեկ անգամ կոչ է անում ՀՀ քաղաքացիներին՝ ակտիվորեն մասնակցել մայիսի 6-ին կայանալիք ընտրություններին եւ ոչ մի ձայն հանցավոր ռեժիմին:

ՀՀՇ լրատվական կենտրոն