ՀՀԿ խմբակցության պատգամավոր, ԱԺ փոխնախագահ Էդուարդ Շարմազանովը «Հետքին» տեղեկացրեց, որ շուրջ 20-50 միջին և թեթև այրվածքներով տուժողներ են տեղափոխվել բուժհաստատություններ ՀՀԿ համերգի ժամանակ գրանցված դժբախտ պատահարից հետո:

Ըստ Է. Շարմազանովի՝ կատարվածի նախնական վարկած են համարում փուչիկների՝ ծխախոտից կամ կրակայրիչից բռնկվելը: Փուիչկները գազավորված են եղել օդ  բաց թողնելու համար և շղթայված լինելու պատճառով կրակի բռնկումից հետո այն անմիջապես անցել է մյուս փուչիկներին:  

«Արմենիա» բժշկական կենտրոնից «Հետքին» տեղեկացրին, որ հիվանդանոցում այս պահին ավելի քան 20 տուժող կա, վերակենդանացման բաժանմունքում` 3-ը, որոնց վիճակը, ըստ հերթապահ ռեանիմատոլոգ բժիշկ Մայիլյանի, միջին ծանրության է: