HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Վահե Սարուխանյան

Հանձնաժողովերի նախագահները կուտակումները բացատրում են ընտրողների ակտիվությամբ

Ավանի եւ Նոր Նորք համայնքի թիվ 1/15 ընտրատեղամասային հանձնաժողովի նախագահ Նորայր Ադամյանը «Հետք»-ին հայտնեց, որ ժամը 08.00-ից սկսած` ընտրողները բարձր ակտիվություն են ցուցաբերում: Այդ ակտիվությամբ էլ նա բացատրում է ընտրատեղամասի մոտ առկա կուտակումները: Ընտրատեղամասում ներկա վստահված անձինք եւ դիտորդները որեւէ արտառոց դեպք մինչ այս պահը չէին գրանցել:

 Նույն համայնքի թիվ 1/32 ընտրատեղամասում, որ տեղակայված է Դերենիկ Դեմիրճյանի անվան դպրոցում, եւս գրանցվել էր ընտրողների բարձր ակտիվություն: Հանձնաժողովի նախագահ Գուրգեն Վարդանյանի տվյալներով` 14.30-ի դրությամբ ընտրատեղամասի 1800 ընտրողից քվեարկության արդեն մասնակցել էր 650 ընտրող:

Նույն դպրոցի հարեւանությամբ տեղակայված թիվ 1/33 ընտրատեղամասի հանձնաժողովի նախագահ Էդուարդ Թեւանյանն առանձնացրեց ցնդող թանաքով դրոշմակնիքի խնդիրը, որն առկար էր ամբողջ հանրապետության տարածքում:

Նշված ընտրատեղամասերում ՕԵԿ-ի, «Ժառանգության» եւ ՀՅԴ-ի վստահված անձինք գոհ էին քվեարկության ընթացքից եւ ընտրողների ցուցաբերած ակտիվությունից:

Փաստենք, որ այցելած երեք ընտրատեղամասերից դուրս առկա էին երիտասարդների կուտակումներ:   

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter