HY RU EN
Տեսանյութեր Լուսանկարներ Փոդքասթ
հետք հետաքննող լրագրողներ
HY RU EN
Asset 3

Բեռնվում է ...

 Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գրիշա Բալասանյան

Անահիտ Բախշյան. «Ժողովրդի մի հատվածը դարձավ նախիր»

Ինչպես հայտնի է, թիվ 12 ընտրատարածքում նախնական արդյունքներով հաղթող է ճանաչվել ԲՀԿ անդամ Լյովա Խաչատրյանը: Այս ընտրատարածքում առաջադրված պատգամավորության թեկնածու Անահիտ Բախշյանը «Հետքի» հետ զրույցում ասաց, որ հասարակության այն տոկոսը,
որի շնորհիվ քրեաօրենսդիր համակարգն ամրացավ, իր 5 տարիները պարզապես վաճառեց եւ փոխարենը բերանը փակեց «սկոչով»:

«Իրենք այլեւս իրավունք չունեն բողոքելու, իրավունք չունեն պատգամավորից ինչ-որ պահանջ ունենալու, դիմում գրելու, խնդրելու: Իրենք իրենց իրավունքները վաճառեցին մինչեւ վերջ, եւ այս իրավիճակից շատ վատ հոտ է գալիս: Իրենք արդեն երկիրը վաճառեցին մեր երեխաներին, թոռներին, մեր ապագան: Իրենք արժանի են այս վիճակին եւ ավելի վատ վիճակի: Ժողովրդի այդ հատվածը դարձավ նախիր եւ պիտի իր կարգավիճակը ճանաչի եւ ընդհանրապես պիտի լռի, չփորձի բարձրաձայնել եւ բողոքել, պահանջել, ասել՝ վատ եմ, չունեմ»,- ասաց Անահիտ Բախշյանը:

Նրա ասելով` պատգամավորության թեկնածուները մարդկանց գնեցին եւ ասացին, որ չփորձես 5 տարի ինձ անհանգստացնել, պահանջել, բողոքել, որովհետեւ քո ձայնը գնել եմ եւ դրա դիմաց տվել եմ 10 հազար դրամ:

«Ես չեմ կոտրվում: Բայց ինչպես խոստացել էի իմ հարցազրույցներից մեկի ժամանակ, շնորհավորում եմ թիվ 12 ընտրատարածքում ընտրված Լյովա Խաչատրյանին: Ճիշտ է, ինքը ձայն գնողների մեջ է, ինքն այդ ձայները չվաստակեց, բայց ինձ համար ավելի լավ է ինքը, քան Մասումյանը»,- հավելեց Անահիտ Բախշյանը:

Նրա ասելով` իր հետագա անելիքը դեռ չի որոշել:

Մեկնաբանություններ (8)

Վարազ Սյունի (Ամստերդամ)
Իսկ նախիրի մի հատվածը-ժողովուրդ:
Ընթերցող
Տիկին Բախշյան, առաջարկում եմ ընդունել հետևյալը. նախիրը առկա է այն ժամանակ, երբ առկա է նախրապանը: Ինչու ենք մենք մեր սուրն ուղղում դեպի նախիրը, անտեսելով նախրապանին: Ինձ թվում է նման քայլով մենք ապացուցում ենք, որ վախենում ենք նախրապաններից: Հիմա կոնկրետ. եթե Դուք համարձակորեն աշխարհով մեկ տարածեիք, որ ՀՀ Կոտայքի մարզպետը, Հրազդանի N11 հիմնական դպրոցի տնօրենն ու փոխտնօրենը հայհոյախառն խոսքեր են օգտագործում/թեև մի քիչ ասել եք, մինչդեռ պետք է ասվեր այնքան, մինչև դրանց դուրս չվռնդեին աշխատանքից/, ապա Կոտայքում Ժառանգությունը եռակի ձայներ կստանար: Ուրեմն, եկեք մենք մեզ մեղադրենք և ոչ թե ասենք` ժողովրդի մի հատվածը նախիր է: Ձեր ասածից երևում է, որ ժողովուրդը անտարբեր է, իմ ասածից երևում է, որ նախրապաններն են անտարբեր: Եթե իրատես ենք, ապա պարզ երևում է, որ երկու մասն էլ իրենից ներկայացնում են նախիր: ՀԻՇԵՔ` փողը կբաժանվի այնքան ժամանակ, քանի դեռ բաժանող անձերը չեն խայտառակվում հասարակության մեջ:
Ստվեր
Այդ ստրուկանման գոյացությունները պիտի վատ ապրեն, իրենց հասանելիքը հենց դա է, շատ լավ են անում որ սրանց նմաններին սովի են մատնում
Հայ
Իմ մեկնաբանած ոչխարի հոտը շատա տարբերվում նախիրից? ձեզանից ել մարդ գլուխ չի հանում, եթե խոշոր եղջերավորներին տպագրում եք իսկ մանրներին ոչ,դա չի նշանակում որ դուք ել էդքան անաչառ չեք? թող ընթերցողը գնահատի ճիշտն ու սխալը ու հետեվություն անի,թե ինքնել է ետ ոչխարի հոտից թե ոչ:
Հայ
Ինչքան ել որ ընտրությունները կեղծվեն, միանշանակ այս կարգի թվաբանություն չի կարող ստացվել, դրա համար մի մեղադրեք իշխանություններին, ուղղակի ժողովուրդը դադարել է հասարակություն լինելուց եւ վերածվել է ծախու ապրանքի ու ոչխարի հոտի, չնայած միշտ ել նույնն է եղել: Չեմ լսել ու չեմ հանդիպել նման ստորացված ու ճորտի հոգեբանությամբ մի ուրիշ ազգի,որը պատրաստ լինի ծախվի 5-10 հազար դրամով: Հազար ամոթ մեզ, դարերի խորքից եկող ու գրողի ծոցը գնացող ճորտ,վախկոտ,շողոքորթ, ծախվող,մեծամիտ ու ինքնքհավան անապագա հայ ազգիս:
Serob
Haziv xelqy glxin mi mard kar parlamentum,en el chancav. Es mi bani vra em zarmanum, te vonc enq minchev hima vorpes azg pahpanvel, erevi en jamanak exela , NAMUS, INQNASIRUTYUN, ARJEQ MARDKAYIN , HASKACOXUTYUNNER, CHNAYAC EREVI QICHA EXEL VOR POQR ERKIR ENQ DARZEL, BAYC aNAHIT BAXSHYANY SHAT UJEX KOMPLEMENTA AREL ET JOXOVRDI MASIN VOR DARXEL EN NAXIR. ES AVELI EN HARGUM U TEX KTAM MARMNAVACHARIN, QANC TE ZAYNAVACHARIN, DRANQ CAXECIN IRENC NAMUISN U PATIVY, IRENC EREXANERIN, ERKRI VRA HOXY LCRECIN. DRANQ UXXAKI MARD CHEN, SRANIC HETO TOX ET DRANQ GNAN U ANGRAGET OLIGARX DEPUTATNERIC OGNUTYUN XNDREN. XREN TE ES EL BAREKAM MAREKAM CANOT MANOT KOGNEM. UREMN IRANC ZERA TALIS, DER CHGITEN VOR ET 10 000 DRAMNERY TASNAPATIK ZERNERIC VERCNELU EN, GERAN GNEN U HETEVNERY ARANC OCHARI MTCNEN. DE ETE TENC EQ QVEARKEL, UREMN CHISHTA ASUM a. bAXSHYANY, CHBOXOQEQ, LEZUNERT MTCREQ HETEVNERT U MRRALOV APREQ, MIAYN XXCHUM EM EN MARDKANC ,OVQER DRANC HET MEKTEX TUJELU EN. ERKIR CHKA EL YTEX, U DJVAR EL LINI. MI PARLAMENTUM VOR ANGRAGETNERY NSTEN U 8 TARI MI ORENQ CHANE ,GORCI CHGAN, ET ERKRI VICHAKY SHAT SARSAPELIYA LINELU. ES EL VOROSHEL; EYI GAYI HAYASTAN APRELU. MIAYN SRANIC HETEVUTYUN ANELUC HETO, KASEM VOR GIJY KGA. VONC GAS ANMAKARDAK CAXVAC NAXIRI MEJ APRES(XOSQS BOLORI MASIN CHI, MENAK CAXVACNERI ,VORY MEC TIVA KAZMUM).
Gayane
XAITARAK @NTRUTHJUNNER EIN ; HIMA OV DZAJN@ XXCHI HET CAXEL E ; HIMA PATRASTVI HET TALU OLIGARXNERIN:
Արմեն
Երբ կարդում ես ցեղասպանությունից պրծածների հուշերը, ապշում ես` հազարավոր մարդկանց մի տաս կամ քսան զինվորական քշել են անապատ: Փամփուշտն էլ էին խնայում. երբեմն ստիպում էին մի մասին փոս փորել ու մտնել այդ փոսի մեջ, իսկ մնացածներին էլ ստիպում էին նրանց վրա հող լցնել: Այսօրվա վիճակին նման է չէ? Բա նախիր ենք, բա ինչ ենք: Ստրուկ ենք էլի: Տերը հրեաներին 40 տարի պահեց անապատում, որպեսզի ստրուկի հոգեբանությունից ազատվեն, որ կարողանան ժառանգել ավետյաց երկիրը, թեև նրանք կարող էին հանգիստ 2 շաբաթում կտրել անցնել անապատը: Զուգահեռներ տեսնում եք? Մինչև չազատվենք ստրուկի հոգեբանությունից, նորմալ երկիր չենք ունենալու, բա:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter