Նորընտիր պատգամավոր Էդմոն Մարուքյանը բացառում է կուսակցական դառնալը

Գրիշա Բալասանյան

11:25, 8 մայիսի, 2012

Թիվ 30 ընտրատարածքում մեծամասնական ընտրակարգով պատգամավոր է ընտրվել փաստաբան Էդմոն Մարուքյանը՝ առաջ անցնելով իր հիմնական մրցակցից՝ ՀՀԿ-ական Վիկտոր Դալլաքյանից:

Էդմոն Մարուքյանն ինքնաառաջադրված թեկնածու է, և որևէ քաղաքական ուժ նրան չէր սատարում: Նորընտիր պատգամավորից հետաքրքրվեցինք՝ արդյոք շարունակելո՞ւ է խորհրդարանում գործել անկախ, թե՞ որևէ խմբակցության կազմում է լինելու:

«Ես անկուսակցական եմ, ինձ տեսնում եմ անկախ պատգամավորի և քաղաքացիական հասարակության շահերը ներկայացնող անձի դերում և դրա շրջանակներում պատրաստ եմ բոլոր խորհրդարանական և արտախորհրդարանական ուժերի հետ համագործակցել»,- ասաց Էդմոն Մարուքյանը:

Ինչ վերաբերում է խմբակցություններից որևէ մեկի կազմում ընդգրկվելուն, ապա Էդմոն Մարուքյանը դա ոչ բացառեց, ոչ էլ հաստատեց: «Ես որևէ բան չեմ բացառում, բայց բացառում եմ, որ որևէ կուսակցության անդամ կդառնամ: Ես ներկայացնելու եմ քաղաքացիական հասարակության շահերը, որը ոչ ընդդիմադիր է, ոչ իշխանական»,-ավելացրեց նորընտիր պատգամավորը:

Գլխավոր էջ

Տպել    |  In English

• Ստյոպա Սաֆարյանը առաջադրվեց
  Այսօր Երեւանի Ավան եւ Նոր-Նորք համայնքներն ընդգրկող թիվ 1 ընտրատարածքում «Ժառանգություն» կուսակցության կողմից մեծամասնական ընտրակարգով Ազգային ժողովի պատգամավորի թեկնածու առաջադրվեց կուսակցության վարչության գլխավոր քարտուղար Ստյոպա Սաֆարյանը:
• «Մհեր Մկրտչյան» թանգարանի ՀՀԿ-ական տնօրենը մեղադրվում է ընտրակաշառք տալու մեջ
  ՀՀ հատուկ քննչական ծառայությունում ավարտվել է Գյումրիի «Մհեր Մկրտչյան» թանգարանի տնօրեն Շ. Մելքոնյանի կողմից 2012 թ. մայիսի 6-ի ընտրություններին ընտրակաշառք տալու դեպքի առթիվ հարուցված քրեական գործի նախաքննությունը: Քրեական գործով դատավարական ղեկավարում իրականացնող դատախազը հաստատել է մեղադրական եզրակացությունը:
• Ոստիկանություն. Գյումրիի «Մհեր Մկրտչյան» թանգարանի տնօրենը մայիսի 6-ին ընտրակաշառք է բաժանել, հարուցվել է քրգործ
  Հատուկ քննչական ծառայության և ոստիկանության Գյումրիի բաժնի ծառայողների հետևողական, ձեռնարկած օպերատիվ-հետախուզական և քննչական միջոցառումների շնորհիվ պարզվել է, որ մայիսի 6-ին՝ ՀՀ ԱԺ ընտրությունների ընթացքում, հիշյալ ավտոմեքենայից քաղաքացիներին ընտրակաշառք է բաժանել Գյումրի քաղաքի «Մհեր Մկրտչյան» թանգարանի տնօրեն, 1971 թ. ծնված Շողիկ Մելքոնյանը:
• Գլխավոր դատախազությունը կզբաղվի ընտրախախտումների փաստերով (վիդեո)
  2012թ. մայիսի 6-ի ՀՀ ազգային ժողովի մեծամասնական ընտրակարգով պատգամավորության թեկնածու Գագիկ Հրաչյայի Ներսիսյանի ներկայացուցիչներ Տիգրան Եգորյանը և Լուսինե Հակոբյանը 2012թ. մայիսի 16-ին դիմել են Սահմանադրական դատարան՝ անվավեր ճանաչելու թիվ 17 ընտրատարածքային ընտրական հանձնաժողովի թիվ 41-Ա որոշումը և թիվ 17 ընտրատարածքում մեծամասնական ընտրակարգով պատգամավորի ընտրությունների արդյունքները:
• ՀԱԿ. «ԵԱՀԿ/ԺՀՄԻԳ զեկույցը ծանր հարված է Հայաստանի վարկին միջազգային հանրության աչքում»
  ԵԱՀԿ/ԺՀՄԻԳ վերջնական զեկույցը, բնականաբար, ծանր հարված է հասցնում Հայաստանի վարկին միջազգային հանրության աչքում եւ նաեւ թուլացնում է Հայաստանի դիրքերը բանակցային գործընթացում, ինչի ամբողջական պատասպանատվությունը կրում են այս իշխանությունները, որոնք, ամբողջովին կեղծելով ընտրությությունները, ըստ էութան մերժել են հայ ժողովրդի կողմից սեփական իշխանություն ընտրելու իրավունքը:

Մեկնաբանությունը...

Բոլոր նորությունները