Տեսանյութեր
Լուսանկարներ
Քաղաքական խորհրդակցություններ Հայաստանի և Չեխիայի արտգործնախարարությունների միջև
Այսօր Երևանում Հայաստանի և Չեխիայի արտաքին գործերի նախարարությունների միջև անցկացվեցին քաղաքական խորհրդակցություններ փոխնախարարների ղեկավարությամբ։ ՀՀ ԱԳՆ կողմից խորհրդակցությունները վարում էր նախարարի տեղակալ Զ. Մնացականյանը, չեխական կողմից՝ նախարարի առաջին տեղակալ Յիրժի Շնայդերը։
Հայ և չեխ դիվանագետները քննարկեցին երկկողմ հարաբերությունների քաղաքական, տնտեսական, մշակութային հարթություններում համագործակցության ներկա մակարդակը, առևտրաշրջանառության խթանման և մշակութային ոլորտում համագործակցության հեռանկարները, իրավապայմանագրային դաշտի ընդլայնումը։
Կողմերը գոհունակությամբ արձանագրեցին հայ-չեխական քաղաքական երկխոսության դինամիկ զարգացման վերաբերյալ, ինչի ապացույցն է անցյալ տարի Պրահայում բացված ՀՀ դեսպանությունը և այս տարի Երևանում Չեխիայի գործերի ժամանակավոր հավատարմատարի նշանակումը։
Քննարկվեցին եվրոպական և միջազգային կառույցներում փոխգործակցության ակտիվացման հետ կապված հարցեր: Անդրադարձ կատարվեց ԵՄ հետ Հայաստանի Ասոցացման համաձայնագրի շուրջ բանակցությունների ընթացքին և արձանագրված նշանակալի առաջընթացին, ինչպես նաև ԵՄ հետ համագործակցության հեռանկարներին:
«Մտքեր փոխանակվեցին երկու երկրների արտաքին քաղաքական առաջնայնությունների օրակարգի, ԼՂ հակամարտության կարգավորման գործընթացի և տարածաշրջանային անվտանգության խնդիրների շուրջ»,- հայտնում է ԱԳՆ մամուլի ծառայությունը:
Մեկնաբանություններ (3)
Մեկնաբանել