Կիրակի, 23 սեպտեմբերի

Մեկնարկում է «Մեկ կադր-մեկ րոպե» միջազգային փառատոնը



Այս տարի այն ընդգրկում է բոլոր մարզերը 

Այս տարի «Մեկ կադր-մեկ րոպե» կարճ ֆիլմերի միջազգային փառատոնը մեկնարկում է մայիսի 24-ից եւ տեւելու է մինչ մայիսի 31-ը: Փառատոնի ընթացքում կցուցադրվեն ինչպես մրցութային, այնպես էլ արտամրցութային ֆիլմեր, որոնք ներկայացնում են Հայաստանի եւ տարբեր երկրների ներկայացուցիչներ:

Փառատոնի այս տարվա սպասելիքների եւ ձեռքբերումների մասին զրուցեցինք ՆՓԱԿ-ի գեղարվեստական խորհրդի ղեկավար, «Մեկ կադր-մեկ րոպե» միջազգային փառատոնի հիմնադիր Գագիկ Ղազարէի հետ: 

«Մեկ կադր-մեկ րոպե» փառատոնն արդեն երկար տարիների պատմություն ունի: Ի՞նչ հաջողություններ ունի փառատոնը. արդյոք կարողացե՞լ է հասնել բուն նպատակին: 

Այս տարի լրանում է «Մեկ կադր-մեկ րոպե» կարճ ֆիլմերի միջազգային փառատոնի 10 –ամյակը: Երևի հենց դա էլ յուրահատկությունն է, որ կարողացանք հասնել այս կլոր տարեդարձին: Դիմացանք շատ փորձությունների ու հետևողականորեն հավատացինք, որ մեր աշխատանքը օգտակար է մեր հասարակության, համաքաղաքացիների համար:

 Փառատոնը սկսվեց մի շրջանում, երբ Հայաստանը հանրահայտ տնտեսական, հասարակական, քաղաքական ճգնաժամի ներսում էր: Հնարավոր լավատեսության ու առաջադիմության նախաձեռնություն էր առաջին քայլը` 2003թ.-ին:

Բազմաթիվ երկրների ներկայացուցիչներ մասնակցել են փառատոնին, շատերի համար նաեւ առաջին փորձն է եղել ֆիլմարտադրության ոլորտում…

Մեր հաջողությունը, ձեռքբերում հեղինակների` վիզուալ արվեստում հաստատվելու, առաջ քայլելու մղումն ու ձգտումն է: «Մեկ կադրը» գաղափարական ֆորում է ու միտված է դեպի հեղինակը, դեպի հեղինակի ազատ ինքնարտահայտման, ազատության հանդեսը: «Մեկ կադրի» գերակա բովանդակությունը էկրանից հոսող նոր խոսքն է. կուլիսներ չկան: 

Տարեցտարի փառատոնն իր առջեւ նոր խնդիրներ է դնում: Ո՞րն է այս տարվա խնդիրը, ինչո՞վ է տարբերվում մնացյալ փառատոններից:

Հատկապես այս տարվա համար չափազանց կարևոր է մարզերի մասնակցությունը, որ հնարավոր դարձավ ԵՀՀ դրամաշնորհի միջոցով ու մեծ աջակցությամբ: Սա տարիների երազանք էր, որ այսօր արդեն իրողություն է: Իսկապես, հնարավոր է Գյումրիում, Վանաձորում, Գորիսում, Մարտունիում և այլուր նմանօրինակ ֆորումների ստեղծումը... Դա միջավայր ձևավորող թարմություն կարող է բերել մեր քաղաքներին: 

Այստեղ կարող եք գտնել այս տարվա «Մեկ կադր-մեկ րոպե» կարճ ֆիլմերի միջազգային փառատոնի մեկշաբաթյա ծրագիրը:


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ