Ինչպես տեղեկացրել էինք, այսօր ԱԺ պատգամավորներն ընտրում են ԱԺ նախագահ: ՀՅԴ խմբակցությունից Արմեն Ռուստամյանը հայտարարեց, որ խմբակցությունը չի մասնակցելու ոչ ԱԺ նախագահի, ոչ էլ փոխնախագահների ընտրությանը:

Պատգամավորը, այնուամենայնիվ, հաջողություն մաղթեց նոր ընտրվող ԱԺ նախագահին եւ հորդորեց հարգել ԱԺ կանոնակարգ օրենքը եւ հավասարաչափ հնարավորություններ տալ բոլոր խմբակցություններին:

Նա հիշեց ՀՅԴ խմբակցության «դառը փորձը», երբ նախորդ գումարման ԱԺ նախագահը, խախտելով ԱԺ կանոնակարգը, այդպես էլ քվեարկության չդրեց խմբակցության հեղինակած ԼՂՀ հետ կապված հայտնի հայտարարությունը: