HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Մարինե Մադաթյան

«Ակնկալիք չունենք, հավայի կանգնել ենք». կաթի գինը չի բարձրացել, գյուղացիները նորից բողոքում են

Կոտայքի մարզի Աբովյանի շրջակա մի քանի գյուղերի բնակիչներ այսօր հավաքվել էին ՀՀ Էկոնոմիկայի նախարարության շենքի դիմաց` հայտնելու իրենց դժգոհությունը կաթի հանձնման կետերում կաթի սակագնի իջեցման վերաբերյալ:

«Անցած անգամ` ապրիլի 27-ին, վարչապետի անունով դիմում գրեցինք, խնդրեցինք, որ պահպանեն կաթի 150 դրամ սակագինը: Վարչապետից պատասխան եկավ, որ 150-ից չի իջնի, բայց ընտրություններից հետո գինը իջավ մինչև 120 դրամ»,- իրենց դժգոհությունը հիմնավորեցին գյուղացիները:

Մինչ էկոնոմիկայի նախարարություն հասնելը, նրանք եղել էին կառավարության շենքի դիմաց, բայց, իրենց խոսքով, պատկան մարմիններից ոչ ոք չէր արձագանքել: «Մեզ խաբում են, ոչ մի ակնակլիք էլ չունենք, համարյա հավայի կանգնել ենք էստեղ, երևի մենք պարապ ենք, գործ չունենք»,- ասում էին զայրացած գյուղացիները` սպասելով, թե ինչ կպատասխանեն էկոնոմիկայի նախարարությունից:

Նրանցից մի քանիսին նախարարության շենքից կանչել էին վերև «բանավոր խոսելու համար»: Ինչպես նշեցին գյուղացիները, անցած ցույցի ժամանակ իրենք դարձյալ հանդիպում են ունեցել Էկոնոմիկայի նախարարության ներկայացուցչի հետ, վերջինս խոստացել է, որ կաթի սակագնի տատանումներ չեն լինի:

Մինչ այժմ տրված և չպահպանված «խոստումները» բանավոր են եղել, մինչդեռ գյուղացիները կաթի սակագինը չիջեցնելու իրենց պահանջը առաջին անգամ ձևակերպել են գրավոր տարբերակով` ՀՀ նախագահին հասցեագրված 300 ստորագրություն ներառող դիմումով:

Մեկնաբանություններ (1)

Ստվեր
լավ են անում, ձեր 10.000-ական դրամները վերցրել-ընտրել եք իրենց, իրենք էլ ինչ ուզում անում են, էլ ինչու եք բողոքում...

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter