Մխիթար Հերացու անվան բժշկական համալսարանի ռեկտորի պաշտոնի համար առաջիկայում կհայտարարվի մրցույթ: Ըստ շրջանառվող լուրերի՝ թեկնածուների թվում է բուհի պրոռեկտոր Սամվել Ավետիսյանը, ինչպես նաև «Գրիգոր Լուսավորիչ» հիվանդանոցի տնօրեն, Երևանի ավագանու անդամ, դոկտոր-պրոֆեսոր Արա Մինասյանը:

Սակայն վերջինս, ըստ լավատեղյակների, առանձնապես ոգևորված չէ այդ հեռանկարից և մի նեղ միջավայրում ասել է՝ իմ ինչի՞ն է պետք դա, մեծ հաստատություն եմ ղեկավարում, հետո էլ անպայման շահարկելու են: «Հրապարակը» հիշեցնում է, որ նա Սերժ Սարգսյանի խնամին է: