Հունիսի 16-ին ՀՀ բնապահպանության նախարարության բնապահպանական պետական տեսչության Կոտայքի տարածքային բաժնից ոստիկանության Հրազդանի բաժնում գրություն է ստացվել, որ «Անտառային պետական մոնիտորինգի կենտրոն» ՊՈԱԿ-ի կողմից ս/թ մայիս ամսվա ընթացքում «Հայանտառ» ՊՈԱԿ «Հրազդանի անտառտնտեսություն» մասնաճյուղում անտառների պահպանության վիճակի դիտարկումներ իրականացնելու արդյունքներով հայտնաբերվել են ապօրինի հատված 22 ծառի կոճղեր, որով պետությանը պատճառվել է 594.000 դրամի վնաս:

«Ձեռնարկված միջոցառումների շնորհիվ պարզվել է, որ հիշյալ ծառերից 7-ը 2011 թ. աշնանը ապօրինի հատել է 1971 թ. ծնված Հովհաննես Ղ.-ն: Կատարվում է հետաքննություն»,- հայտնում է ոստիկանությունը: