Շվեդները շրխկացրին դուռը, իսկ ֆրանսիացիները կհանդիպեն իսպանացիներին

01:02, 20 հունիսի, 2012

Ավարտվեց «Եվրո-2012»-ի խմբային փուլը: Հայտնի դարձան այն 8 թիմերը, որոնք 4 զույգով պետք է վիճարկեն կիսաեզրափակչի ուղեգրերը: Դրանք են՝ Չեխիա-Պորտուգալիա, Գերմանիա-Հունաստան, Իսպանիա-Ֆրանսիա եւ Անգլիա-Իտալիա:

Այսօր միայն պարզ դարձավ, որ D խմբից հենց Անգլիան եւ Ֆրանսիան են շարունակելու ճանապարհը, իսկ դաշտի տեր Ուկրաինան, ինչպես եւ Շվեդիան լքեցին մրցաշարը, չնայած որ սկանդինավները կորցրել էին բոլոր հնարավորությունները դեռ երկրորդ տուրից հետո:

Այդուհանդերձ, շվեդները վերջին տուրում 2-0 հաշվով հաղթեցին ֆրանսիացիներին, իսկ թիմի ավագ ու առաջատար Զլատան Իբրահիմովիչը դարձավ բավականին գեղեցիկ գոլի հեղինակ: Սա, անշուշտ, ֆրանսիացիների սրտով չէր, քանի որ նրանք երկրորդ տեղում հայտնվելու պատճառով պիտի 1/4-ում մրցեն գործող չեմպիոնների՝ իսպանացիների հետ, որոնցից խուսափում են գրեթե բոլորը: 

Անգլիացիներն էլ որակազրկումից դուրս եկած Ռունիի գոլի շնորհիվ ապահովեցին հաղթանակը Բլոխինի սաների նկատմամբ. ուկրաինացիները լեհերի նման հանդիսատեսի կարգավիճակով կշարունակեն հետեւել իրենց երկրում անցկացվող մրցաշարին: 

1/4-ի խաղերը տեղի կունենան հունիսի 21-24-ին: 

Անգլիա	3	2	1	0	5-3	7
Ֆրանսիա	3	1	1	1	3-3	4
Ուկրաինա	3	1	0	2	2-4	3
Շվեդիա	3	1	0	2	5-5	3

Լուս.՝ Getty Images-ի

Գլխավոր էջ

Տպել    |  In English

• Ինիեստան «Եվրո-2012»-ի լավագույնն է
  «Եվրո-2012»-ի լավագույն խաղացող է ճանաչվել իսպանացի կիսապաշտպան Անդրես Ինիեստան: Վերջինս ճանաչվել էր նաեւ Իսպանիա-Իտալիա (4-0) եզրափակիչ խաղի լավագույն խաղացող: Լավագույններին որոշող ՈւԵՖԱ-ի տեխնիկական խումբը որոշել է նաեւ «Եվրո-2012»-ի խորհրդանշական հավաքականը:
• Դել Բոսկե. «Սա իսպանական ֆուտբոլի համար մեծ ժամանակաշրջան է»
  Իսպանացի Վիսենտե դել Բոսկեն պատմության մեջ միակ մարզիչն է, ում հաջողվել է իր թիմին դարձնել աշխարհի ու Եվրոպայի չեմպիոն, իսկ ակումբին՝ Մադրիդի «Ռեալին», ամենահեղինակավոր ակումբային մրցաշարի՝ Չեմպիոնների լիգայի հաղթող (2 անգամ):
• Իսպանացիները «հավաքում են» մրցանակները
  Իսպանիայի հավաքականի անդամները Եվրոպայի չեմպիոնի կոչումը նվաճելուց հետո էլ շարունակում են տարբեր մրցանակներ «հավաքել»: Երբ խաղավերջում Ֆեռնանդո Տորեսը գոլային փոխանցում կատարեց Խորդի Ալբային, պարզ դարձավ, որ առաջնության լավագույն ռմբարկուի խաղակոշիկը բաժին է հասնելու հենց նրան: Տորեսը «Եվրո-2012»-ում 3 գոլ է խփել, 1 գոլային փոխանցում կատարել, նույնպիսի արդյունք ուներ նաեւ գերմանահպատակ Մարիո Գոմեսը, սակայն իսպանացին դաշտում անցկացրել է ավելի քիչ՝ 189 րոպե, իսկ Գոմեսը՝ 282:
• Իսպանիան կրկին բարձունքին է
  Վիսենտե դել Բոսկեի սաները միանգամից մի քանի ռեկորդ սահմանեցին: Մինչ այս ոչ ոքի չէր հաջողվել 4 տարում նվաճել 3 չեմպիոնական տիտղոս՝ երկուսը՝ աշխարհամասի, մեկը՝ աշխարհի: Դել Բոսկեն կրկնեց գերմանացի Հելմուտ Շյոնի հաջողությունը եւ թիմին դարձրեց թե աշխարհի, թե Եվրոպայի չեմպիոն: Հիշեցնենք, որ 2008-ին թիմը գլխավորում էր Լուիս Արագոնեսը: Իսկ ԳՖՀ-ի մարզիչ Շյոնը նման հաջողության էր հասել 1972 եւ 1974 թթ.:
• Չեզարե Պրանդելին վստահ է իր թիմի ներուժին
  Միաժամանակ իտալացին ասել է, որ ուրախությունը նշելու ժամանակ չունեն, պետք է կենտրոնանալ հաջորդ խաղի վրա, որը լինելու է ամենակարեւորը: «Իսպանիան անկրկնելի թիմ է, սակայն մենք կպատրաստվենք հիմնավորապես, ինչպես արել ենք այսօրվա խաղից առաջ: Կարծում եմ՝ բաց խաղ կլինի, եւ այդ առումով հավասար հարթության վրա կլինենք»,- կարծիք է հայտնել Պրանդելին:

Մեկնաբանությունը...

Բոլոր նորությունները