Այսօր վարչապետ Տիգրան Սարգսյանը ԱԺ ամբիոնից հայտարարեց, որ «կեղծ թվերի վրա» հիմնված մեղադրանք է, թե իր եկամուտները ճգնաժամի տարիներին կտրուկ ավելացել է: Վարչապետի հայտարարությունը ուղղված էր ԱԺ պատգամավոր Նիկոլ Փաշինյանին, քանի որ վերջինս երեկ խորհրդարանում հրապարակել էր Տիգրան Սարգսյանի եկամուտները:

«Այս դահլիճում հնչեց կեղծ թվերի վրա երկրորդ մեղադրանքը, թե վարչապետ Տիգրան Սարգսյանը ճգնաժամի տարիներին իր անձնական հարստությունը կտրուկ ավելացրել է: Այդ հայտարարությունը չի համապատասխանում իրականությանը, եւ ես կարծում եմ, որ հետապնդում է մեկ նպատակ` վերջին տարիների ընթացքում նպատակադրված կերպով զրպարտել ու վարկաբեկել անձամբ վարչապետին: Ես կոչ եմ անում իմ գործընկերներին` զերծ մնալ այդ մոտեցումից, այս ամբիոնը չօգտագործել որեւէ մեկին անձնապես վիրավորելու, հաշվեհարդար տեսնելու, զրպարտելու, վարկաբեկելու համար: Դա վայել չէ հայ մարդուն եւ այդ ճանապարհը վտանգավոր է»,-ասել է վարչապետը: 

Քանի որ վարչապետի գույքի եւ եկամուտների հայտարարագրերին անդրադարձել է նաեւ «Հետքը», ուստի հրապարակում ենք Տիգրան Սարգսյանի 2009 եւ 2011թվականների գույքի ու եկամուտների հայտարաագրերի ֆինանսական մասին վերաբերող էջերի պատճենները: 

Նշենք, որ 2009թ. վարչապետի եկամուտների հայտարարագրերից հրապարակման ենթակա տվյալները տրամադրել է Պետեկամուտների կոմիտեն, իսկ 2011-ինը` բարձրաստիճան պաշտոնատար անձանց էթիկայի հանձնաժողովը:

ՏԵՂԵԿԱՆՔ

Պաշտոնատար անձի 2009 թվականի գույքի և եկամուտների

հայտարարագրում ներառված տվյալների վերաբերյալ

2011 թվականի հայտարարագրից