Յուրի Խաչատուրովը մասնակցել է ՆԱՏՕ-ի ռազմավարական համաժողովին

15:51, 23 հունիսի, 2012

Հայաստանի Հանրապետության զինված ուժերի գլխավոր շտաբի պետ, գեներալ-գնդապետ Յուրի Խաչատուրովի գլխավորած պատվիրակությունը Խորվաթիայի մայրաքաղաք Զագրեբում հունիսի 19-ին մասնակցել է ՆԱՏՕ-ի վերափոխումների դաշնակցային հրամանատարության կազմակերպած ՆԱՏՕ-ի ռազմական գործընկեր պետությունների ամենամյա ռազմավարական համաժողովին, որը կրել է «Ներկա և ապագա մարտահրավերներ» խորագիրը:

Միջոցառման ընթացքում քննարկվել են ՆԱՏՕ-ի և գործընկեր երկրների միջև պաշտպանության ոլորտում համագործակցությանը և պաշտպանական կարողությունների զարգացմանն առնչվող թեմաներ:

Հատուկ ուշադրություն է դարձվել ռազմական կրթության և ուսմուցման ոլորտում փոխգործունակության կատարելագործման հարցերին: Համաժողովի ընթացքում քննարկվել են նաև ս.թ. մայիսի 21-ին Չիկագոյում կայացած ՆԱՏՕ-ի գագաթաժողովի ռազմավարական հետևանքներին, ինչպես նաև Մերձավոր Արևելքում, Հյուսիսային Աֆրիկայում և Պարսից Ծոցում կայունությանն ու տարածաշրջանային անվտանգությանը վերաբերող հարցեր: Այս մասին հայտնում է ՊՆ մամուլի ծառայությունը:

Գլխավոր էջ

Տպել

Մեկնաբանություններ (2)

1. Վարազ Սյունի (Ամստերդամ)17:35 - 23 հունիսի, 2012

Հայաստանը պիտի իր ձվերը դնի ինչքան հնարավոր է շատ զամբյուղներում: Ու շատ ավելի խելացի կլինի իսկական ձվերի փոխարեն օգտագործել պլաստիկ-ներկված ձվեր: Ժպտացեք ԲՈԼՈՐԻՆ,բայց տակով արեք ՄԻԱՅՆ ձեզ այդ պահին ամենաշահեկանը: Հայաստանի ԱՄԵՆԱՄԵԾ արժեքը (այսպես կոչված 'կոզր տուզը') իր ռազմա-ստրատեգիական աշխարհագրական ԿԱՐԵՎՈՐ ու գնալով ԱՎԵԼԻ ԿԱՐԵՎՈՐ դառձող դիրքն է. ԹԱՆԿ վաճառեք այն: Սա 21-րդ դարում կոչվում է դիպլոմատիա:

2. KARO08:06 - 24 հունիսի, 2012

EREVI OGNUTUN E XNDREL NATO ic VOR PRKEN BANAK@ NEMECIC

Մեկնաբանել

Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Մեկնաբանությունը...