Իսպանիան շտկեց պատմական «սխալը»

01:24, 24 հունիսի, 2012

Խաբի Ալոնսոյի երկու գոլերը 19-րդ եւ 91-րդ րոպեներին Եվրոպայի ու աշխարհի չեմպիոն իսպանացիներին դուրս բերեցին «Եվրո-2012»-ի կիսաեզրափակիչ, որտեղ Վիսենտե դել Բոսկեի սաները կհանդիպեն պորտուգալացիներին: Այլ կերպ ասած՝ մրցաշարի այդ խաղը կլինի պիրենեյան դերբի: 

Հավելենք, որ իսպանացիներն ի վերջո կարողացան խախտել տխուր ավանդույթը եւ առաջին անգամ պատմության մեջ հաղթեցին ֆրանսիացիներին պաշտոնական խաղում: Մինչ այդ գործող չեմպիոնները հաղթել էին 13 անգամ, բայց բոլորն էլ՝ ընկերական խաղերում: Դե իսկ Ֆրանսիային մնում է պատրաստվել աշխարհի 2014 թ. առաջնության ընտրական փուլի խաղերին: 

Այսօր ուշ երեկոյան կկայանա եւս մեկ հետաքրքիր հանդիպում՝ Անգլիա-Իտալիա: Հաղթողին սպասում են գերմանացիները: Ամեն դեպքում, ով էլ լինի հաղթողը, արդեն պարզ է, որ կիսաեզրափակիչում խաղալու են ֆուտբոլային հզոր երկրների հավաքականները, որոնք միշտ էլ տոն են տվել նման մրցաշարերին: 

Լուս.՝ Ալոնսոյի գոլը 90+1 րոպեին 11-մետրանոցից (AFP/Getty Images)

Գլխավոր էջ

Տպել  

• Ինիեստան «Եվրո-2012»-ի լավագույնն է
  «Եվրո-2012»-ի լավագույն խաղացող է ճանաչվել իսպանացի կիսապաշտպան Անդրես Ինիեստան: Վերջինս ճանաչվել էր նաեւ Իսպանիա-Իտալիա (4-0) եզրափակիչ խաղի լավագույն խաղացող: Լավագույններին որոշող ՈւԵՖԱ-ի տեխնիկական խումբը որոշել է նաեւ «Եվրո-2012»-ի խորհրդանշական հավաքականը:
• Դել Բոսկե. «Սա իսպանական ֆուտբոլի համար մեծ ժամանակաշրջան է»
  Իսպանացի Վիսենտե դել Բոսկեն պատմության մեջ միակ մարզիչն է, ում հաջողվել է իր թիմին դարձնել աշխարհի ու Եվրոպայի չեմպիոն, իսկ ակումբին՝ Մադրիդի «Ռեալին», ամենահեղինակավոր ակումբային մրցաշարի՝ Չեմպիոնների լիգայի հաղթող (2 անգամ):
• Իսպանացիները «հավաքում են» մրցանակները
  Իսպանիայի հավաքականի անդամները Եվրոպայի չեմպիոնի կոչումը նվաճելուց հետո էլ շարունակում են տարբեր մրցանակներ «հավաքել»: Երբ խաղավերջում Ֆեռնանդո Տորեսը գոլային փոխանցում կատարեց Խորդի Ալբային, պարզ դարձավ, որ առաջնության լավագույն ռմբարկուի խաղակոշիկը բաժին է հասնելու հենց նրան: Տորեսը «Եվրո-2012»-ում 3 գոլ է խփել, 1 գոլային փոխանցում կատարել, նույնպիսի արդյունք ուներ նաեւ գերմանահպատակ Մարիո Գոմեսը, սակայն իսպանացին դաշտում անցկացրել է ավելի քիչ՝ 189 րոպե, իսկ Գոմեսը՝ 282:
• Իսպանիան կրկին բարձունքին է
  Վիսենտե դել Բոսկեի սաները միանգամից մի քանի ռեկորդ սահմանեցին: Մինչ այս ոչ ոքի չէր հաջողվել 4 տարում նվաճել 3 չեմպիոնական տիտղոս՝ երկուսը՝ աշխարհամասի, մեկը՝ աշխարհի: Դել Բոսկեն կրկնեց գերմանացի Հելմուտ Շյոնի հաջողությունը եւ թիմին դարձրեց թե աշխարհի, թե Եվրոպայի չեմպիոն: Հիշեցնենք, որ 2008-ին թիմը գլխավորում էր Լուիս Արագոնեսը: Իսկ ԳՖՀ-ի մարզիչ Շյոնը նման հաջողության էր հասել 1972 եւ 1974 թթ.:
• Չեզարե Պրանդելին վստահ է իր թիմի ներուժին
  Միաժամանակ իտալացին ասել է, որ ուրախությունը նշելու ժամանակ չունեն, պետք է կենտրոնանալ հաջորդ խաղի վրա, որը լինելու է ամենակարեւորը: «Իսպանիան անկրկնելի թիմ է, սակայն մենք կպատրաստվենք հիմնավորապես, ինչպես արել ենք այսօրվա խաղից առաջ: Կարծում եմ՝ բաց խաղ կլինի, եւ այդ առումով հավասար հարթության վրա կլինենք»,- կարծիք է հայտնել Պրանդելին:

Մեկնաբանությունը...

Բոլոր նորությունները