ՈՒրբաթ, 28 նոյեմբերի

Հերմինե Նաղդալյան կամ «բիզնես լեդի». ի՞նչ ունեցվածք ունի ԱԺ փոխնախագահը

Գրիշա Բալասանյան


16:20, 29 հունիսի, 2012

Ի՞նչ են «ասում» պաշտոնական թվերը

ԱԺ փոխնախագահ Հերմինե Նաղդալյանն իր ունեցվածքին առնչվող աղմկահարույց պատմություններով բազմիցս հայտնվել է մամուլի ուշադրության կենտրոնում, սակայն երկրի ղեկավարությանը դա չի խանգարել ապահովելու «բիզնես լեդիի» կարիերայի առաջխաղացումը:

Հերմինե Նաղդալյանը դեռեւս 2006 թ. մի շարք ձեռնարկություններում արդեն բաժնետեր էր: Նույն տարվա գույքի եւ եկամուտների հայտարարագրում նա նշել էր, որ Երեւանի Դավիթ Անհաղթի փողոցում ունի 0.15 հա սեփականաշնորհված հողամաս:

Նա պարտատոմսեր, բաժնետոմսեր ու այլ ներդրումներ է ունեցել «Սիսիան Շիկ», «Բեգմիք», «Սիսիանի ԲՈՒԱՏ», «Նազենիկ» եւ «Ալնարս» ՍՊԸ-ներում:

2006 թ. Հերմինե Նաղդալյանն ունեցել է 98 մլն 542 դրամ եւ 134 հազար դոլար: Պատգամավորը աշխատավարձի տեսքով եկամուտ է ստացել նաեւ Ազգային ժողովից` 3 մլն 366 հազար 460 դրամ:

Որպես ստացված կամ տրված փոխառություններից ստացված տոկոս՝ «Սիսիանի ԲՈՒԱՏ» ՍՊԸ-ն Հ. Նաղդալյանի համար ապահովել է 35 մլն 415 հազար դրամի եկամուտ, իսկ «Սիսիանի ԲՈՒԱՏ» եւ «Բեգմիք» ՍՊԸ-ներից ստացել է շահաբաժին՝ համապատասխանաբար 43 մլն 254 հազար եւ 23 մլն 972 հազար դրամ:

3 տարի անց Հերմինե Նաղդալյանի եկամուտները մի քանի անգամ գերազանցել են մինչ այդ ունեցածը: Պատգամավորը 2009 թ. ձեռք է բերել 2 շենք եւ շինություն, ինչպես նաեւ՝ հողամաս: Պատգամավորի այդ տարվա դրամական եկամուտները նույնպես մի քանի անգամ աճել են: Նա հայտարարագրել է 823 մլն 732 հազար 950 դրամ եւ 466 հազար դոլար:

2010 թվականն ավելի եկամտաբեր է եղել պատգամավորի համար: Այդ թվականին Հերմինե Նաղդալյանը թեեւ անշարժ ու շարժական գույքի հետ կապված գործարքներ չի արել, սակայն ունեցել է միլիոնների եկամուտ: Նա հայտարարագրել է 940 մլն 734 հազար 580 դրամ եւ 784 հազար դոլար:

Արդեն 2011 թ. գույքի եւ եկամուտների հայտարարագրում Հերմինե Նաղդալյանը նշել է, որ տարեսկզբին ունեցել է 480 մլն, իսկ հարկային տարվա վերջին` 50 մլն դրամ: Նրա դոլարային եկամուտները նույնպես մեկ տարվա ընթացքում նվազել են. տարվա սկզբում՝ 40 հազար դոլար, իսկ դեկտեմբերի 31-ին` 10 հազար: 

Հերմինե Նաղդալյանը 2011 թ. հանձնած կամ ստացած փոխառություններից ստացել է 348 մլն դրամի եւ 730 հազար դոլարի եկամուտ: Պատգամավորին եկամուտ է բերել նաեւ ԱԺ-ից ստացած 3 մլն 130 հազար դրամ աշխատավարձը, 485 մլն 886 հազար 333 դրամ շահաբաժինը, ինչպես նաեւ երկու փոխառություններից ստացած գումարները՝ համապատասխանաբար 83 մլն 868 հազար 434 եւ 304 մլն 526 հազար 500 դրամ:

   Հերմինե Նաղդալյանի եկամուտներն` ըստ տարիների

Արժույթ

2006թ.

2009թ.

2010թ.

2011թ.

Դրամ

98.542.000

823.732.950

940.734.000

1.225.411.267

Դոլար

134.000

466.000

784.000

730.000

Պակաս կարողությունների տեր չէ նաեւ Հերմինե Նաղդալյանի ամուսինը` Դավիթ Բեգլարյանը: Նա 2011թ. հանձնված կամ վերադարձված փոխառություններից ստացել է 288 մլն դրամ եւ 850 հազար դոլար եկամուտ: Դ. Բեգլարյանի դրամական միջոցները 2011 թ. վերջին կազմել են 15 մլն, իսկ աշխատավարձից ստացած եկամուտները` 3 մլն 661 հազար 95 դրամ:

Ի՞նչ է գրում մամուլը

Հերմինե Նաղդալյանն իր հայտարարագրում նշել է, որ Գ. Չաուշի 14/3 հասցեում միանձնյա սեփականության իրավունքով ունի 2 բնակարան` 102.8-ական քմ մակերեսով: Մինչդեռ դրանք պատգամավորի ու նրա ամուսնու կողմից այդ շենքում ձեռք բերված միակ բնակարանները չեն:

Մամուլը բազմիցս անդրադարձել է «Նորաշեն 2007» կոոպերատիվի աղմկահարույց պատմությանը, երբ քաղաքացիները բնակարանի ձեռքբերման նախնական պայմանագրեր են կնքել կառուցվող շենքում իրենց հասանելիք բնակարանների համար, սակայն կառուցողները այդ բնակարանները կրկնակի վաճառել են այլ քաղաքացիների` հիմնականում պատգամավորների ու բարձրաստիճան պաշտոնյաների:

Դեռեւս 2007-ին «Նորաշեն 2007» սպառողական կոոպերատիվի նախագահ Արմեն Թադեւոսյանը եւ նրա գործընկեր Լուսաբեկ Սամվելյանը կոոպերատիվի շահառուների հետ կնքել են նախավճարի պայմանագրեր, սակայն տնտեսական ճգնաժամի պատճառով ֆինանսական լուրջ խնդիրներ են առաջացել շինարարության հարցում եւ կոոպերատիվի ղեկավարները ստիպված գումարներ են հայթայթել՝ շինաշխատանքներն ավարտին հասցնելու համար:

«Նորաշեն 2007»-ին «ձեռք են մեկնել» եւ գումար տվել սահմանվածից (կամ թույլատրելիից) բարձր տոկոսադրույքով, ինչը քրեական օրենսգրքով համարվում է վաշխառություն: Իբրեւ երաշխիք՝ շահառուների դեռեւս պատրաստի տեսքի չբերված բնակարանները, որպես գրավ, տրվել են գումար հատկացնող մարդկանց՝ պայմանով, որ շահառուների վերջնական մուծումներից հետո բնակարանները պետք է սեփականության իրավունքով փոխանցվեն հենց նրանց:

Ըստ լրատվական կայքի հրապարակումների՝ կոոպերատիվին տոկոսով գումար տվողների ցուցակի մեջ եղել է նաեւ ՀՀԿ-ական պատգամավոր Հերմինե Նաղդալյանի ամուսնու՝ Դավիթ Բեգլարյանի անունը, ով էլ ձեռք է բերել ընդհանուր առմամբ 14 բնակարան: Չաուշի 14/3 շենքում կա 8 բնակարան, որոնց վերադարձի համար այժմ պայքար են մղում շահառուները, իսկ մյուս 6-ի դեպքում կողմերն արդեն համաձայնության են եկել:

Նշված բնակարաննեը ձեւակերպվել են Դ. Բեգլարյանի հարազատների անուններով: Այսպես, վիճարկելի բնակարանների սեփականատերեր են հանդիսացել մայրը՝ Օֆելյա Ստեփանյանը, որդին՝ Հրանտ Աբաջյանը, դուստրը՝ Նարե Բեգլարյանը, կինը՝ Հերմինե Նաղդալյանը, քենին՝ Գայանե Նաղդալյանը, զոքանչը՝ Ռիմիկ Նաղդալյանը, վարորդները՝ Գրիգոր Հարությունյանն ու Հրաչյա Հովհաննիսյանը, վերջինիս աղջիկը՝ Լիանա Հովսեփյանը, մորաքրոջ որդին՝ Գագիկ Նազարյանը, վերջինիս կինը՝ Նարինե Գալստյանը, հարեւանը՝ Մարտիկ Թավաքալյանը, հարեւանուհին՝ Գոհար Սարատիկյան եւ ինքը` Դավիթ Բեգլարյանը:


Գլխավոր էջ


Տես նաև՝

ավելին



Մեկնաբանություններ (11)
1. Swetlana 18:40 - 29 հունիսի, 2012
karewor e wor mer ishxanaworner@ law apren, hankarz finansakan djwarutjunner chunenan, menk, hasarak joxowurd@s, mi kerp gojutjun@ karsh talow jola kgnank. Petutjan twaz ashxatawarzow aprel@ mer erkrum fantastikaji janriz e, hetakrkir kliner mek amsow texerow poxweink nranz het, nrank chein dimana, inknaspan klinein.
2. GEGHAM20:45 - 29 հունիսի, 2012
MNUM E HAVATANK U VSTAHENK EVS 5 TARI,,,INCH EL ERES UNI....
3. drizzlebraain20:52 - 29 հունիսի, 2012
Ագահի աչքը մենակ մի բուռ հողը կկշտացնի, երկրի բնակչության 30-40%-ը աղքատության շեմից վար է, բեևեռացված հարուստներ և աղքատներ, միջին խավ գոյություն չունի: Հարուստները հարկեր չեն վճարում, աղքատներից էլ` յոթը կաշի է քերթվում բյուջեն լցնելու և սրանց աշխատավարձերը, շրջագայությունները, սուրճն ու բենզինը ապահովելու համար...
4. Կլարա22:41 - 29 հունիսի, 2012
Տեսնես ինչ արժանիքներ ունի կամ էլ ինչպիսի արհեստավարժանքների է տիրապետում, որ ԱԺ-ի բեմահարթակից չեն իջեցնում։ Կինն է անձեռնմխելի իր պատգամավորական մանդատով, իսկ ամուսնուն ինչու պատասխանատվության չեն ենթարկում։ Գուցե այդ մանդատը երկու հոգու համար է։ Եվ հույս ունենք, որ այդ մանդատավորները պետք է Հայաստանը փրկեն կործանումից։ նրանք են մեզ տանում անդունդը, չմտախելով որ կգա ժամանակ, որ տեղերը կփոխվեն
5. ARMINE23:22 - 29 հունիսի, 2012
ASBISI HARUSTNERIN PEDK E KULAKATAP ANEL EV AXKATNERIN BAJANEL KANI VOR AGAHIN MIAYN MAH@ KPRKI ,EV ACHKATSAK MARD@ KXORTAKVI
6. uuu06:43 - 30 հունիսի, 2012
dra hamar el dzerqov kojak er sexmum.................
7. Knar07:14 - 30 հունիսի, 2012
Պատկերացնում եք, մանդատավոր կինը /նրանից ինչ "լեդի"/ հաջողացնի օրենսդիր ակտ ընդունելու Հայաստանը ռուբլու գոտի անցկացնելու մասին և ռուբլին դրամ դարձրած հակառակ գործողությունը կատարվի, եկամուտները բազմապատկելով 200-ով։ Էլ ով դիմանա...Գրիշա անվանածդ "լեդին" երբեք բարի փերի չի դառնա
8. Vasil14:22 - 30 հունիսի, 2012
Երկրի օրինականության մասին մտածելու փոխարեն ոսկիներ են դիզում, բանկային հաշիվները մեծացնում, բնակարաններ յուրացնում և չեն պատժվում։ Բոլոր պատգամավորներն էլ արժանի են մանդատից զրկվելուն, անկախ կուսակցական պատկանելիությունից, նրանք բոլորն էլ մտածում են միանման, գործում են միանման։ Հիշեցեք Արտաշես Գեղամյանին, Վիկտոր Դալաքյանին, Արթուր Բաղդասարյանին և այլոց՝ նախկինում և այսօր
9. HARUT08:50 - 1 հուլիսի, 2012
VERNAGIR@ SXAL E GRVAC,,,,PETK E LINER,,< UMIC VORKAN E TAREL >
10. uuu18:50 - 1 հուլիսի, 2012
dra hamar el dzerqerov kojak er sexmum.................
11. Դարդ-անելի10:47 - 4 հուլիսի, 2012
8-ին՝ կոկորդ էին ճղում, թե իբր ազգապահպան և հայրենանվեր պայքար են մղում, իբր դեմ են անարդարություններին, հիմա տեղները տաք են, փորներն էլ կուշտ, հիմա էլ գերխնդիր ունեն՝ ունեցվածքով անցնել մեկը մյուսից։ Լիահույս ենք, որ եթե նրանք առանց հիմնավորումների զրոյացրել են մեր ծնողների և պապերի նեղ օրվա համար պահած՝ արդար աշխատանքով վաստակած մի քանի կոպեկները, թե անկախանում ենք, ապա նոր սերունդները կհիմնավորեն որ նրանց եկամուտներն ապօրինի ձեռք բերված եկամուտներ են՝ շարքային քաղաքացիներին ճորտացնելու և խաբելու ճանապարհով, կբռնագանձեն պետական գանձարան՝ ծառայացնելով այն Հայաստանի և նրա բնակչության բարօրությանը։
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ