2013 թ. մայիսի 30-ից հոկտեմբերի 31-ը Չեխիայի Լիդիցե քաղաքում կանցկացվի կերպարվեստի 41-րդ մանկական միջազգային ցուցահանդեսը, որը նվիրվում է ՅՈւՆԵՍԿՕ-ի ոչ նյութական մշակութային ժառանգության պահպանության մասին կոնվենցիայի 10-ամյա հոբելյանին:

Ցուցահանդեսի թեմաներն առնչվում են ազգային հագուստին, տարբեր արհեստների, գյուղական պարերի և հարսանիքների, ավանդույթների, առասպելների: Մրցույթին կարող են մասնակցել 4-16 տարեկան երեխաներ և ներկայացնել աշխատանքներ նկարչության, փորագրության, լուսանկարչության, կերամիկայի, համակցված տեխնիկայի բնագավառներում:

«Հայտերի և աշխատանքների ներկայացման վերջնաժամկետը 2013 թ. մարտի 15-ն է»,- հայտնում է ՀՀ մշակույթի նախարարությունը: