Հայաստանի ֆուտբոլի ֆեդերացիայի (ՀՖՖ) նախագահ Ռուբեն Հայրապետյանի դեմ ստորագրահավաք է սկսվել change.org ցանցում: ՖԻՖԱ-ին և ՈՒԵՖԱ-ին ստորագրահավաքի կազմակերպիչները խնդրում են թույլ չտալ արյունոտ ձեռքերով Հայրապետյանին զբաղեցնել ՀՖՖ նախագահի պաշտոնը:  

ՖԻՖԱ-ին և ՈՒԵՖԱ-ին ուղղված բաց նամակում նշված է, որ հունիսի 17-ին ԱԺ պատգամավոր, ՀՖՖ նախագահ Ռուբեն Հայրապետյանին պատկանող «Հարսնաքար» ռեստորանային համալիրում վերջինիս թիկնապահները դաժանորեն ծեծել են ռազմական բժիշկների, ինչի արդյունքում հունիսի 29-ին զինվորական հոսպիտալում մահացավ երկու երեխաների հայր, երիտասարդ բժիշկ, մայոր Վահե Ավետյանը:Իսկ Ռուբեն Հայրապետյանը հրաժարվում է այս ամենում իր ունեցած պատասխանատվությունից: Ուստի, նա այն մարդը չէ, որ պետք է զբաղեցնի ՀՖՖ նախագահի պաշտոնը և շուտափույթ պետք է հրաժարական տա: 

Այս պահին ստորագրահավաքին միացել է մոտ 1250 մարդ: