Լոռու մարզում անձրևն ու կարկուտը վնասել են ցանքատարածքներ
Հուլիսի 9-ին Լոռու մարզի Ագարակ գյուղում տեղացած անձրևի և կարկուտի հետևանքով վնասվել են գյուղի հացահատիկի և բանջարաբոստանային մշակաբույսերի ցանքատարածքները: Դեպքի մասին տեղյակ է պահվել մարզպետարանը: Վնասի չափը ճշտվում է:
Լոռու մարզի Ուրասար գյուղից տեղեկություն է ստացվել, որ հուլիսի 8-ին տեղացած անձրևի և կարկուտի հետևանքով վնասվել են գյուղի հացահատիկի և բանջարաբոստանային մշակաբույսերի ցանքատարածքներ՝ մոտ 40 հա մակերեսով, շանթահարվել ու սատկել է ձի:
Հուլիսի 8-ին Ստեփանավանի մոտակայքում՝ «Բագեր» կոչվող հանդամասում, շանթահարվել և սատկել է 23 կով: Դեպքի մասին տեղյակ է պահվել Լոռու մարզպետարանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել