HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սոնա Ավագյան

Ռուբեն Հայրապետյանի առանձնատան չափերը զարմացրել են Լարիսա Ալավերդյանին

«Հարսնաքարում» ծեծված, ապա հիվանդանոցում մահացած ռազմական բժիշկ Վահե Ավետյանի յոթնօրեքի առթիվ՝ հուլիսի 8-ին ռեստորանի մոտ անցկացված մոմավառության մասնակիցները որոշեցին երթով շարժվել ռեստորանի սեփականատիրոջ՝ Ռուբեն Հայրապետյանի առանձնատուն:

Այսօր՝ լրագրողների հետ հանդիպման ժամանակ, «Վահե Ավետյան» հասարակական շարժման նախաձեռնող խմբի անդամ Լարիսա Ալավերդյանն ասաց, որ առաջին անգամ էր լինում Ռուբեն Հայրապետյանի առանձնատան մոտ և զարմացել է՝ տեսնելով դրա չափերը: «Ես եղել եմ տարբեր երկրներում և հարուստների թաղամասերում, ես զարմացած էի»,- ասաց Լարիսա Ալավերդյանը:

Իսկ ասուլիսի մյուս բանախոսը՝ «Վահե Ավետյան» հասարակական շարժման նախաձեռնող խմբի անդամ Գարեգին Չուգասզյանը, հավելեց, որ Ռուբեն Հայրապետյանի տունը ոչ թե ապարանք էր, այլ ամբողջ թաղամաս:

Անդրադառնալով հունիսի 17-ին «Հարսնաքարում» բժիշկների ծեծից հետո ռեստորանում անցկացվող խնջույքներին՝ Լարիսա Ալավերդյանն ասաց, որ չի կարող երջանկություն կամ որևէ լավ բան սկսվել մի տարածքում, որտեղ ցավ է եղել, արյուն է թափվել:

«Պետք չի էդտեղ անել դա: Ընտրեք մի տեղ, որտեղ չի թափվել արյուն»,- ասաց նա և հավելեց, որ ծեծի հետևանքով վնասվածք ստացած մյուս բժիշկները դեպքից շաբաթներ անց էլ դեռ բուժվում են:

Մեկնաբանություններ (1)

haykUS
We should confiscate his house and give back to people of our country. We should not have such filthy rich oligarchs when people are suffering and hungry.

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter