21-ամյա Մարո Գուլոյանի մահվան դեպքի առթիվ նյութեր են նախապատրաստվում
Ոստիկանությունում Մարո Գուլոյանի մահվան դեպքի առթիվ նյութեր են նախապատրաստվում: Այս մասին «Հետքին» հայտնեցին ոստիկանության հասարակայնության հետ կապերի վարչությունից:
Ոստիկանությունը Աբովյանի բժշկական կենտրոնից հուլիսի 12-ին՝ ժամը 19:00-ի սահմաններում ահազանգ է ստացել, որ Առինջ գյուղում Մարո Գուլոյանը իրենց տան բաղնիքում ինքնասպանություն է գործել խալաթի գոտիով կախվելու միջոցով: Նշանակվել է դատաբժշկական փորձաքննություն:
Հարազատների փոխանցմամբ, գոտին, որը մատնանշվեց վերևում, բժշկի մոտ է: Ըստ ոստիկանության՝ գոտին կարող է գտնվել բժշկի մոտ, քանի որ ահազանգը հենց հիվանդանոցից է եղել:
Մեր հարցին, թե ոստիկանությունը որևէ մեկին հարցաքննել է դեպքի առթիվ, պատասխանեցին. «Եթե նյութեր են նախապատրաստվում, դա արդեն քննչական գործողություններ են, որոնք արվում են»: Թե երբ պատրաստ կլինի դատաբժշկական փորձաքննության եզրակացությունը, ըստ ոստիկանության, կախված է դատաբժիշկներից:
Մեկնաբանել