Ֆրանսիայի ազգային տոնի շրջանակներում ևս մեկ անակնկալ Modd Events-ի կողմից: “The Blues Kid” Րաֆֆին կրկին Հայաստանում: Ս. թ. հուլիսի 14-ին' ժամը 18:30 Սիրահարների այգում կկայանա Րաֆֆիի համերգը: Բացառիկ հնարավորություն ևս մեկ անգամ վայելելու տաղանդավոր մանուկի ռիթմիկ կատարումները:

Րաֆֆին ծնվել է 2001թ. ֆրանսիական Գոնես քաղաքում, հայկական ընտանիքում: Վեց տարեկանից սովորել է Վիարմ քաղաքի երաժշտական դպրոցում, ապա իր բացառիկ տվյալների շնորհիվ' առանց ընդունելության քննությունների, ընդգրկվել Սերժի-Պոնտուազի կոնսերվատորիա:
Յոթնամյա Րաֆֆիի կյանքում որոշիչ էր նրա ելույթը երաժշտական դպրոցի կիթառահարների խմբի հետ, երբ նա առաջին անգամ խմբին նվագակցեց լսողությամբ:

Այժմ նա արդեն հայտնի է իր յուրահատուկ կատարումներով և իմպրովիզներով, մասնակցել է բազմաթիվ փառատոնների, նվագել է հայտնի բենդերի հետ, ունեցել է տասնյակ համերգներ Եվրոպայում:
Րաֆֆին հասցրել է սիրվել նաև հայ հանդիսատեսի կողմից: Հայաստանում նա արդեն մասնակցել է մի քանի միջազգային փառատոնների, հեռուստահաղորդումների, ելույթ է ունեցել տպավորիչ կատարումներով տարբեր միջոցառումների ընթացքում, ինչպես նաև ապահովել է Պատրիկ Ֆիորիի Երևանյան համերգի բացումը: 2012թ. թողարկվել է Ռաֆֆիի առաջին ձայնասկավառակը:
Տոնի շրջանակներում ևս մեկ նվեր հայ երիտասարդներին:

Րաֆֆիի ելույթին կհաջորդի DJ Mosey-ի'Պիեր Սարկոզիի բացօթյա համերգը, ապահովելով տոնական մթնոլորտ և բարձր տրամադրություն: