«Հետքի» աղբյուրները հաղորդում են, որ ԱԱԾ քննչական վարչությունում քրեական գործ է հարուցվել «Մեթըլ Փրինս» կորպորացիայի սեփականատեր, ԱՄՆ քաղաքացի, վարչապետի նախկին խորհրդական Սերոբ Տեր Պողոսյանի նկատմամբ` «Սեքսուալ բնույթի գործողություններին հարկադրելու» մեղադրանքով: ԱԱԾ-ից պաշտոնապես այս տեղեկությունը հաստատեցին, իսկ մինչեւ երեկ անգամ ժխտում էին, որ քրեական գործը գտնվում է իրենց վարույթում:

Առաջադրված մեղադրանքը` Քր. օր.-ի 140-րդ հոդվածը, որպես պատիժ սահմանում է նվազագույն աշխատավարձի 200-300-ապատիկի չափով տուգանք կամ ազատազրկում` 1-3 տարի ժամկետով: