75 կգ քաշային Անդրանիկ Հակոբյանը հիասթափեցրեց հայ երկրպագուներին: Ամերիկացի Տերել Գաուշայի հետ մարտում, ունենալով առավելություն, վերջին վայրկյանների ընթացքում էջմիածնեցի մարզիկը նախ նոկդաունի ենթարկվեց, ապա ակնթարթներ անց կրկին հայտնվեց ռինգի հատակին: Մրցավարները գրանցեցին նոկաուտ: Հայաստանցի միակ բռնցքամարտիկը դուրս մնաց պայքարից այսպիսի տխուր վերջաբանով: 

Խաղերի առաջին օրը անհաջող էր մեր ներկայացուցիչների համար: Ձյուդոյիստ Հովհաննես Դավթյանը զբաղեցրեց միայն 7-րդ տեղը, հրաձիգ Նորայր Բախտամյանը եւ մարմնամարզիկ Արթուր Դավթյանը չանցան որակավորման փուլը, Հակոբյանն էլ հենց առաջին փուլից դուրս մնաց: Այդուհանդերձ, Բախտամյանը դեռեւս մեկ ելույթ ունի օգոստոսի 5-ին: 

Արդեն այսօր պայքարի մեջ կմտնեն ձյուդոյիստ Արմեն Նազարյանն ու լողորդուհի Անահիտ Բարսեղյանը: 

Լուս.՝ london2012.com-ի