Օգոստոսի 2-ին տեղի ունեցավ քաղաքաշինության նախարարության ու Վերակառուցման և զարգացման եվրոպական բանկի (ՎԶԵԲ) պատվիրակությունների հանդիպումը՝«Բնակելի շենքերում էներգաարդյունավետության բարելավման ուսումնասիրություն» ծրագրի մեկնարկը հայտարարելու նպատակով:

Կողմերը կարևորեցին դեռևս 2011 թ. հավանության արժանացած ծրագրի մեկնարկը, որի նպատակն է նպաստել բազմաբնակարան բնակելի շենքերում էներգաարդյունավետության բարձրացմանը: Հանդիպման ընթացքում նշվեց, որ ՎԶԵԲ-ը պատրաստ է նշյալ ծրագրին տրամադրել տեխնիկական աջակցություն: Հայկական կողմն ընդգծեց ծրագրի իրականացման գործում հասարակության իրազեկվածության ապահովման հանգամանքը:

«Ծրագրի իրականացումը մեծապես կնպաստի ՀՀ կառավարության որոշմամբ հավանության արժանացած, Հայաստանի բազմաբնակարան բնակարանային ֆոնդի կառավարման, պահպանման և շահագործման բարելավման հնգամյա ռազմավարական ծրագրով նախատեսված, «Բազմաբնակարան բնակարանային ֆոնդի վերաբերյալ օրենսդրական դաշտի կատարելագործում» միջոցառման իրականացման ապահովմանը»,- հայտնում է քաղաքաշինության նախարարության տեղեկատվության և հասարակայնության հետ կապերի բաժինը: