Օգոստոսի 2-ին ոստիկանության Էրեբունու բաժնի ծառայողները, գողություն կատարելու կասկածանքով, Տիտոգրադյան փողոցից «ՎԱԶ-2121» մակնիշի ավտոմեքենայով բերման են ենթարկել 1959 թ. ծնված Ռուբեն Հ.-ին և 1962 թ. ծնված Աշոտ Հ.-ին:

Ավտոմեքենայի սրահից հայտնաբերվել է «ՎԱԶ-2121» մակնիշի ավտոմեքենայի 4 անիվ, էլեկտրական մարտկոց և այլ պահեստամասեր:

Պարզվել է, որ նրանք գիշերը Հալաբյան փողոցի թիվ 25 շենքի հետնամասից «ՎԱԶ-2121» մակնիշի մի ավտոմեքենա են փախցրել, որը Նուբարաշենի այգեգործական ընկերության տարածքում ապամոնտաժել են և գողացել նշված պահեստամասերը:

Գողոնն առգրավված է: Ոստիկանությունը տեղեկացնում է, որ կատարվում է հետաքննություն: