Ծանրամարտի Հայաստանի օլիմպիական թիմը խորը ճգնաժամի մեջ է

13:54, 3 օգոստոսի, 2012

Հերթական 0-ն օլիմպիական խաղերում ու կրկին ծանրորդի կատարմամբ: Քիչ առաջ 85 կգ քաշային գյումրեցի ծանրորդ Արա Խաչատրյանը, պոկում վարժությունում պատվիրելով ամենաբարձր նախնական քաշը՝ 165 կգ, ձախողեց իր բոլոր 3 փորձերը ու դուրս մնաց պայքարից: Հիշեցնենք, որ սա B խումբն է, իսկ A խումբը, որտեղ ընդգրկված են կարգով ավելի բարձր մարզիկներ, ելույթ կունենա 22:00-ին: 

Սա ֆիասկո է: Հայկական ծանրամարտի պատասխանատուները՝ ՀԱՕԿ նախագահ Գագիկ Ծառուկյանը, ֆեդերացիայի նախագահ Սամվել Խաչատրյանը, տղամարդկանց թիմի մարզիչ Պողոս Պողոսյանը, կանանց թիմի մարզիչ Արտաշես Ներսիսյանը, պետք է պատասխան տան այս ամենի համար: Նախորդ օլիմպիական խաղերում մեր 6 ծանրորդներից 3-ը վերադարձան բրոնզե մեդալներով, իսկ հիմա 6-ից 3-ը 0 են ստացել, վնասվածք ստացած 1-ի փոխարեն էլ չեն հասցրել պահեստայինին ընդգրկել: 

Թե ինչպես է նախապատրաստական փուլն անցել ծանրամարտի ազգային թիմը, ինչ է այժմ իրականում կատարվում թիմի ներսում, կարելի է միայն ենթադրել:  

Գլխավոր էջ

Տպել    |  In English  |  На русском

• Հրաժեշտ 30-րդ ամառային օլիմպիական խաղերին
  Ահա եւ վերջ: Ավարտվեցին ամառային 30-րդ օլիմպիական խաղերը: Լոնդոնը խաղերի տանտիրոջ իրավունքը փոխանցում է Ռիո դե Ժանեյրոյին: Օգոստոսի 29-ից սեպտեմբերի 9-ը Լոնդոնում կանցկացվեն նաեւ պարալիմպիկ խաղերը, որից հետո կարեւորագույն մարզական իրադարձությանը հարկ կլինի սպասել եւս 4 տարի՝ մինչեւ 2016 թ.: Իհարկե, այս ընթացքում՝ 2014-ին, կանցկացվեն պատանեկան եւ ձմեռային օլիմպիական խաղերը:
• Հայաստանի օլիմպիական թիմը տուն կվերադառնա 1 արծաթով ու 2 բրոնզով
  66 կգ քաշային ազատոճային ըմբիշ Դավիթ Սաֆարյանը չի կարող պայքարել բրոնզե մեդալների համար, քանի որ նրան հաղթած ղազախ Տանտարովը կիսաեզրափակչում պարտվեց հնդիկ Սուշիլ Կումարին: Այսպիսով՝ Հայաստանի վերջին մասնակիցն էլ դուրս մնաց պայքարից, եւ ուրեմն օլիմպիական թիմը տուն կբերի 1 արծաթ եւ 2 բրոնզ:
• Դավիթ Սաֆարյանը բրոնզի հույսեր է պահպանում
  Ազատոճային 66 կգ-ոց ըմբիշ Դավիթ Սաֆարյանը դուրս մնաց ոսկե մեդալների համար պայքարից: Ղազախ ըմբիշի հետ գոտեմարտում նա միավորներով հաղթեց 8-6 հաշվով, սակայն մրցափուլերով հաղթեց ղազախը՝ 2-1: Վերջին՝ երրորդ մրցափուլում վիճահարույց դրվագ տեղի ունեցավ, եւ մրցավարները 2-1 տեսքով միավորներ բաշխեցին մարզիկներին, սակայն հետո ղազախին տվեցին ոչ թե 1, այլ 2 միավոր, եւ նա դուրս եկավ կիսաեզրափակիչ:
• Դավիթ Սաֆարյանը 1/4-ում է
  Հայաստանի վերջին ներկայացուցիչը օլիմպիական խաղերում՝ 66 կգ քաշային ազատոճային Դավիթ Սաֆարյանը, 1/8-ում առանց գոտեմարտի անցավ հաջորդ փուլ, քանի որ նրա մրցակից եգիպտացի Օմար Ահմեդը դուրս չեկավ գորգ վնասվածքի պատճառով:
• Հաջիմուրադը չի կարող պայքարել բրոնզի համար
  Հայաստանը ներկայացնող դաղստանցի 84 կգ ազատոճային ըմբիշ Հաջիմուրադ Նուրմագոմեդովը զրկվեց նաեւ բրոնզե մեդալների համար պայքարելու հնարավորությունից, քանի որ նրան հաղթած իրանցի Լաշգարին կիսաեզրափակչում պարտվեց Ադրբեջանը ներկայացնող Շարիֆովին:

Մեկնաբանությունը...

Բոլոր նորությունները